[poem=font="Simplified Arabic,6,black,bold,normal" bkcolor="transparent" bkimage="backgrounds/2.gif" border="solid,medium,gray" type=4 line=0 align=center use=ex num="0,black"]
درست انا في الجامعه قسم آلادااب=وقريت حتى شيبت رمش عيني
قريت كل الكتب ما شاقني كتاب= الا كتابٍ باااااح لاجله كنيني
اسمه كتاب ( المووووت ) من طعن الاهداب= تأليف عينك في كسر قو عيني
ومبوبه ياصاحبي خمسة ابواب=الله على منهج كتابك يعيني
الباب الاول بأسم " تثبيت" الاطناب= في وسط قلبي ما رحمتي ونيني
والثاني اسمه باب تركيع الارقاب=خافي بي الله واعطفي وارحميني
والثالث اسمه " باب ارهااااب الاحباب=يا الله جارك " متعتك ترهبيني !
والرابع الموسوم " نظرات بعتاب=والمشكله تدرين زايد حنيني
والخامس " اسمه درس في فن الاعراب=بس اسألك ! بالله وش تعربيني
ان كنت انا المجرور فالحب غلاب=وعلامة الكسره بعالي جبيني
لاشفت مبسم سيد تلعات الارقاب= يجبر كسوري لا نظرته يميني
وان كنت انا المرفوع فلرفعي اسباب=وعلامته في ضمةٍ تحتويني
دامي انا الفاعل اجل ليش منصاب ؟ = حتى لو اني فاعل(ن) تنصبيني
ارحم غريرن من محبتك ما تاب = والله فلا لك وسط قلبه وزيني
اذوب كالسكر باشافيك لا ذاب= لامن بغيتي بالهوى تسكريني[/poem]
رد مع اقتباس
المشاركة الأصلية كتبت بواسطة عدنان محمد الثابتى
المفضلات