الـــغـــلا عــــيـــد
بسم الله الرحمن الرحيم
السلام عليكم ورحمة الله وبركاته
هذي القصيدة .. اعتبرها اعتذاريه
للاحبه هنا .. لغيابي المتكرر
وبلا عذر .. واقول :
كل غياب / قصيد .. والجروح بخير !! .
.
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
قلبي علـى جـال الجـروح القدامـى=يجـاذب عيونـي سوالـف مواعـيـد
وجهي تخاوى والسهـر .. والندامـى=ليـلٍ تهـادى فـوق شيـب التجاعيـد
سود الجروح : القلب الابيض .. تسامى=ماشال كِـرْه ٍ لاْ احد .. والغلا .. عيد
من يوم عنـي بعـض ربعـي تعامـى=كلٍّ سكن عيني .. لروحـي صواعيـد
دمـع ٍ ذرفـتـه بالحنـايـا تهـامـى=ولا شال رمشي برق دمـع ورواعيـد
حضنـت بكفـوف الضلـوع الغشامـى=رماح ناس عْـزاز .. صـدوا مباعيـد
الشوف عند الشوق .. سلهم .. ترامى=ولملـم ملامـح للـوجـوه المباعـيـد
ياكم غـصـن من الحـزن .. بـي تـنـامـى=الصـدر قـفـرا حـزْن .. واحبابـي بْعـيـد
غـمّـضـت .. لاحـت لـي عـيـونٍ يـتـامـى=فتحـت .. واظلم حولـي الكـون ياعـيـد
جـفـني نـفـل .. ورموش عينـي خزامـى=معـطّـره ذكـرى قـديـم المواعـيـد
أنا .. خـلاص الحـب عنـي ترامـى=والله يهنـي سْعيـده اليـوم بسْعـيـد[/poem]
.
.
.
.
.
...... انــتــــهـــت .....
.
.
.
ملاحظة : .. حنيني الى قديمي من الحب والشعر من اهم الاشياء التي دفعتني لكتابة هذه القصيدة
ورغم تجربتي في الشعر والله لم اجد شي امتع من الكتابة بالاسلوب التقليدي .. اسلوب البسيط المحيط
لان هذا هو مقام ومستوى العامة .. والناس اللي حنّــا نكتب لهم .. والا لمين نكتب مثلا
نكتب لاهل المريخ ؟!! .. حتى اهل المريخ مايعرفوا الشئ الكثير عن الحداثه .. والا وش رايكم ؟!
عموما هو حنين .. لا أكثر .. وتقبلوا محبتي
.
لكم الود
.
رد مع اقتباس
المفضلات