البنات وقوة الوجه

[فالح عبدالله]

مدري قبل 11 سبتمبر او بعد المهم ان بعض البنات صار وجهه صبه ( قوي ) في الاسواق وانا قليل ادخل مجمع تجاري لكن سوالف المجالس وبعض
الذين يتمتعون بتعبير الوصف يصف لي كيف الناس وسط المجمعات

في القنوات الفضائية تجد البنت تتكلم بكل جرأة وقوة
في المنتديات تجد التواقيع الجرئية والصور اللي تجيب الرجال على خشته ( وجهه ) والعبارات المتلونه من كل لهجه
مره تقول آآي ومرة تقول شو بدك ومرة صدز فالصبح سودانيه وبالعصر نجديه وبالليل الله العالم هنديه

العرب وش جاهم يامسلمين البنات صارت اوجيهم بالاسواق بعضهم تخزك ( تناظرك ) تقول تطلبك ثار ولا تبي شئ
والسالفة لاعارف ولا معروف وش تبي ماتدري !!!

وعيالنا بعضهم عقله يالله بالخير ( تريللي ) لاشافها لحقها تقول ولا مابي اقول يلحق له ارنب ولا قطوة
يازين العفه زيناه والله لاهو متزوجها ولاهي متزوجته يمشون ورى السيد ابليس الله يقلع بليس وبيسوق طيارة الشر
واربطو احزمه القراده ( الحظ الشين ) ومن جوال لافاتورة ومن فاتورة الى ابي اشوفك الجماعه مقلعين بطيارة ابليس
ومن كذب في نفاق والجماعه طايرين ولااحد قال للثاني وش آخرتها ..

كيف يبي الله يوفقه وهو يلعب بمحارم المسلمين ؟؟
وكيف تبي تتوفق وهي تلعب بعيال المسلمين ؟؟

يازين العفه زيناه
القصص كثيرة وكلها تصب في مصبين
الاول : العفاف والراحة النفسية مع الله سبحانه وتعالى ومع الاهل والاقارب ويبشر بالخير لاولد ولا بنت من مشى وعف نفسه
من طريق الوهم

الثاني : غضب الله وتعب النفس وضمير غاطس في بحر الخيال وحياة وهم ونفاق خالية من الصدق وراحة البال
وش بعد الصداقة ؟؟
تبيهم يتعلمون امور الفقه والتوحيد بالتلفون ؟؟
تبيهم يصحون بعض لصلاة الفجر ؟؟
تبيهم يذكرون بعض بدعاء آخر ساعه من يوم الجمعه ؟؟
ولا تبيهم يقولون الله الله بوصل الارحام ؟؟


الله يهدينا والجميع لما يحب ويرضا والله يحمانا وياكم والمسلمين من شر مواذي خلقه
يازين العفه زيناه

بعطيكم قاعده معروفة عند الشباب اهل الاسواق
بنت محتشمه محد يتعرضها ولااحد يقرب منها لانه يعرفون ان البنت وراها والي ونفسيا محد يقدر يقرب
اما بنت تطامر وجهها كما قلت اول صبه ( قوي ) وابليس راكب فوق راسها وتسمع عند اذنها اصوات غريبة
تشبه اللي بالبر امباااااااااااا فلا غرابه في الوضع فالوضع انتقل من الانسانية الى الحيوانية

وسلم لي على العفة واهلها

تذكرت قصه يقولك في العهد الماضي ايام قبل اكثر من 150 سنه قصه ذيب ابن شالح بن هدلان بره بوالده وشجاعته
وقصصهم كثيره


نرجع للقصه ذيب كان معه ثنين من جماعته وهم من الخنافر قحطان جاته رميه بالخطا وقامو اصحابه بمساعدته الا انهم مااقدرو
يساعدونه مات الله يرحمه وارجعو لديارهم خوفا من الموت وجاءت جماعه ليشاهدو من اللي ميت بسبب الرميه الخطا حصلو في يده خاتم فضه
وجاءت احدى البنات وهي من قبيله اخرى لما رأته صااااااااحت قال احدهم لماذا تصيحين وش عندك اكيد انك مصاحبته


قالت لاوالله ماصاحبته هذا ذيب ابن شالح
كنا عندهم سنه ساكنين جيران لهم وكان لما يصيد الصيد من ارانب او غيره كان يقسم الصيد نصفين
نصف لبيتهم ونصف لنا لجيرانه
وكان لما يجيب الصيد لبيت جيرانه تقصد لهم انه لايرفع النظر في عين بنت او حرمه من جيرانهم كان يجي منزل راسه وينزل الصيد ويرجع

الله يرحم ذيب واموات المسلمين

والقصد من الموضوع اول بنات وقوة وجه وآخرته عفه وسمعه طيبه
ان العفه زينه وان كل شئ له نهاية ولااعتقد ان نهاية الاسواق الى الماذون على قولت المصاريه
نهايتها مظلمه والله يستر من النهايات المظلمة ويالله حسن الخاتمه ,,

[إلـــجـــنآزه]

والله الوضع مخيف

والله اعلم وش اللي جاي

صدقني لو تم الوضع على ماهو عليه ما اقول الا الله يستر


بالنسبه للأسباب

لو كان الشغله نسب

بقولك 80%من البنت

انا مادري البنات هذولا اللي ممترين المجمعات

يعني مايدرون ان اللي ينشم عطرها تعتبر في الشرع زانيه

ياخي تمر جنبي وحده ريحة عطرها تصدع رإسي

ودي اطالع فيها واقول يازانيه


الله يستر على بنات المسلمين ويهديهم


آخــــوي فـــآلح عبــد الله
جـــزآك الله خــير على هذه النصــآئح والله يكـثر من إمثـآلـك

تحيـآتي

[سيدة القـــــلم]

乂
乂
乂

والقَاَدِمْ اشْنَعْ واللعَنْ
وهُنَاَكْ حَدِيثْ قُدْسِي يقُولْ
" اِصبِرُوُاْ فَإنَه لا يأتِي عَلِيكُمْ عَاَمْ أوُ زَمَاَنْ أوُ يُومْ إلاّ والذِي بَعْدَهُ شّرٍ مِنْهُ حَتْىَ تَلْقُوَاْ رَبَكُمْ
عَزّ وجَلّ "


كُّل الشُكْرِ لَكَ " فَاَلِحْ "

كُنْ بِخِير

.

[سلمان النبهان]

تسلم اخي فالح والله يستر اعراض المسلمين
والحال بالاسواق والمجمعات مخجل جدااا ...
وندعو الله عز وجل ان يهدي الجميع للطريق الصحيح..
وتسلم على طرح الموضوع وماقصرت ...

[سنعة]

عوذة والله يبعدنا
اهم الي اهدموا ابراجهم بيدهم
والبلاوي اوقعت على روسنا من كل حدن وصوب
على بو الانفتاح ضروري
اي انفتاح هاذ الاوقعوا بوه كلام
اذبحوننا وعزموا يهدمون ديارنا الامنة
ليه كذا ؟؟عشان يهدمون قيم واخلاقن واسناع لها الاف السنين
الي يذبحك ياخوي انوه مش بس البنات يبحرون عالصبيان
هذيلة والله يبعد الجميع على بعضهم يعني للحريم بعد
ماتدري اهي غيرة والا .....
الله يحفظ ديارنا وابعد عنا الفساد للجميع
فمان الله

[عجايب بنت الشايب]

بــــــــــــــــــأختصار اخي الفالضل " فـــــــالح "

إذا ذهب الدين ذهب كل شيء كل شيء

والصلاة تنهى عن الفحشاء والمنكر



واللي تتمادى بالصغير .. بتغوص بالعميييق ..!!

بالعربي ..

بدوا بالبراقع .... وانتهوا بالبلوتوث

وبدوا .. بالمسنجر ... وانتهوا .. بالتيفلون
ثم الطلعات .....

.
.
.
.

الحديث طوووويل والأسباب اكثــــــــر في قوة وجه البنات
وتماديهن وتمادي الشباب ....

.
.
.

بالعربي كثر الفساد بالبر والبحر ...

.
.
.

الله يسترنا ويستر بنات المسلمين .. الغافلين ..

.
.
.


و سلمت ..

[أبو فهد]

فيه أيضا حديث يخوان للرسول صلى الله عليه و سلم يقول " البخيل من ذكرت عنده ولم يصل علي "


صلوا على النبي أول


يقول صلى الله عليه و سلم " إذا لم تستح فاصنع ما شئت "




-----------
تحياتي
أبو رشيد

[عجايب بنت الشايب]

اللهم صلي على نبينا محمد وسلم تسليماً كثيراً عددا ماذكره الذاكرون

[فالح عبدالله]

هلا هلا بالجميع
والمعذرة على التأخير

[روح الاماكن]

اخي مشكور على كتابتك


لكن انا ارى جميع الي ردو على الموضوع كانهم مستغربين واول مره يسمعو هالشي


لا كلنا نغلط بدون استثناء


من الطرفين الاعتراف بالغلط فضيله


لكن عدم الاعتراف ..........



شكرا مره اخرى