[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
الله على اللي ليامنه نقر سلفه = تغريد طيرً يجر الصوت في دوحه
واليا أشتغل مايجيب أصوات مختلفه = خرير ميً شوي شوي منضوحه
كن البدي من أماميه إلى خلفه = قالب من الثلج والطرّاف ممسوحه
لو ينطح أعتى الرياح الهوج والصلفه = كن المدافع على مشواره تشوحه
آخر موديل الجيوب وقيمته كلفه = تصعب على واحدً يبخل على روحه
ماهو خسارة لو أنه مشترى سلفه = أهم شيً تعيش النفس مشروحه
جكسار ومطورً ومضخمً بلفه = يعجبك شكله من اللوحه ليا اللوحه
باصل عشيرً عليه الكبد منتلفه = اللي بنا في خفايا قلبي صروحه
الود والحب والأخلاص والألفه = وسكينه الداميه والهم وجروحه
وسيفه ورمحه على باروده وشلفه = الطيب مذكور والزلات مدموحه
يحن قلبي عليها حنة الخلفه = قدام عينه ضناها تو مذبوحه
هذا وأنا ولفي أقشر حيل من ولفه = وصويحبي راح والروحه هي الروحه
مدري هي النية أنه ناقضً حلفه = أو جيته يمنا ماهي بمسموحه
الله على الجيب والا حالتي تلفه = والا على صاحبي وأبطل الروحه[/poem]
رد مع اقتباس
المشاركة الأصلية كتبت بواسطة سيف الدولة
المفضلات