كوكتيل للحبايب ..و ( فكررررة مره حلوه )

[وميض]

قبل الكوكتيل ..
وش رايكن يا بنات .. كل وحده عندها طريقة عصير تحطها هنا .. إلين يصبح عندنا ملف كامل للعصيرات ؟؟؟ و يستفيد منها الجميع بدل ماهي مفرقة ...

............

أبدأ أنا وأضيّفكم ...

كوكتيييييل لذذذذيذ ..

المقادير:

كيس فراوله مجمدة
موزتين
كأس عصير برتقال .. ممكن استبداله بسفن أب .
نصف كأس حليب .. ممكن استبداله بآيس كريم انيلا .
عسل حسب الرغبة .. وإذا ما عندك عسل حطي سكر ..
قليل من الماء ....


الطريقة:

تخلط جميع المقادير في الخلاط الكهربائي حتى يصبح سائل ثقيل.وبعدين قدميه للضيوف ... بعد سكبه بأكواب زجاجية .. وتزيينه بمزازات عليها شكل الفراولة ..

لا تنسين تذوقينه أول .. الاحتياط واجب . ؛)


........

[الفيتو]

انا عارف ان الموضوع للبنات
بس حب شفايه دخلت
وبعد ابي اعقب :D :D :D :D :D :D
وش عصير واذا ماعندك سن اب طيب موضوعك اللى المشروبات الغازيه مالك دقيقه منزلته:D :D :D :D :D :D
والثانيه لو بتجمعين مقاديرك الاولى ومقادير الاستبدال يطلع عصير ثاني
:D :D :D :D :D

[وميض]

بسم الله ..
جيت طايرة .. قلت هالحين أبو مرزوق حاط لنا خوش كوكتيل .. لقيته :p
يا حبك للشمات .. ياخي خذ وخل ..
وبعدين أنا قلت ممكن تستبدلين .. وهذي للي سنونهم طايحة .. ( يعني ثرماااان ) .. لازم نشرح .. ترى الذكاء زين .;)
وبعدين اللي يبي ابتسااامه زي كذا لا يشرب مياه غازية :



:D

[فوفو]

الله الله وش ذا الحركاااااااااااات....
وبعدين فكرة انه حنا نجمع العصيرات جازت لي يصير مرجع للعصائر ...وتستفيد منه اللى تبي تسوي بحث ماتدوخ وتعور راسه===>العن ام البحوث اللى زي كذا عصيرات:D:D:D:D:D:D:D

اممممممممممممم.....تشكراتي خيتو وميض وانشاء الله نجرب ونشوف

وهذي طريقه كذا عصير اتمنى انه تنال استحسان سيادتكم

عصير 4×4
المقادير
4 ملاعق تانج منقا
4ملاعق تانج برتقال
واحد ظرف دريم ويب r
2 كأس ماء بارد جداً
تضعين جميع المقادير في الخلاط لمدة خمس دقائق حتى يصبح للعصير رغوه
بعدذلك تأخذين الرغوه بالملعقه وتضعينها على جنب
ثم تصبِ العصير بأربع كأسات بعدها تضيفين إليها الرغوه مره ثانيه
وعلشان تعطينها شكل صبي عليها من الوسط ملعقة توت مركز أو فيمتو
وتعالي تخيلي شكلها لا بعد طعمها الذ ميئة مرررررررررررررررررره
وشوفي شكلها ثلاث طبقات مختلفه بعد خمس دقائق من صبها في الكأسات
ممكن تجهز قبل نصف ساعه من تقديمها


كوكتيل الطبقات الملونة :

المقادير : r
حبة مانجا مقطعة
كيوي مقطع
فراولة مقطعة
موز أو جوافة مقطعة
ماء بارد جدااااااااااا
مكعبات ثلج حسب الرغبة
ثلاث ملاعق آيس كريم كاكاو
فنجان حليب بارد
سكرحسب الرغبة
الطريقة :
نخلط حبات الفراولة مع قليل من الماء وقليل من السكر ونوزع الخليط في كؤوس
نخلط حبات الموز أو الجوافة مع ماء أو حليب وقليل من السكر حسب الرغبة ( يمكن وضع أي فاكهة لونها أبيض بس ألذ شي الإجاص بهذا العصير ) وتوضع بواسطة الملعقة على الطبقة الثانية
نخلط المانجا مع الماء والسكر ونضعه على الطبقتين لسابقتين بواسطة الملعقة أيضا
نضع الحليب والآيس كريم في الخلاط ونخلطه جيدا ثم نضعه على الطبقات السابقة .
يمكن تزيين الوجه بالفستق المبشور
ملاحظة : يمكن عمل الطبقة الأخيرة بآيس كريم الفانيليا بدل الكاكاو ويرش على الوجه الفستق المبشور ويوضع صوص الشوكولاتة وصوص الكراميل بشكل خطوط رقيقة عشوائية ..


والباااااااااااااااااقي جاي بالطريق مع النقل الجماعي:D:D:D:D:D

[مجموعة إنسان]

.


. ومووووووضه

مشكوره على هذا الملف المفيد

وهذا أنا سجلت خبراتكن

وخذن هذي تراها مجربه وحلوه :

نصف كوب عصير ليمون طبيعي

واحد سفن أب

عصير تفاح بالغازات .. او بداله مياه غازيه .

يخلط ويضاف له ورق نعناع + حلقة ليمون لكل كوب .

ولكن مني أحلى تحيه ،

[عبدالعزيز]

مـيـرسـي يابنات.........خلطات وكوكتيلات كتير مهضومه

عاد ولو أني مالي بهالأمور بس حبيت ا شاركن بهالخلطات والكوكتيلات

العصير يامعشر النساء هوMRESتبون تقولون لي وشو هذا
أبي أقول لكن .......ألله واكبر نسيتنه..........(أخبر حميده ماتطور...هي..هي)

على كل حال المريس يعمل كالأتي

من 8إلى 10 حبات بقل توضع بقدر (تنقع) لمدة 3ساعات
ومن ثم تمرس مررررررررس باليد(يعني تمريس) مرسآ جيدآ أو بالخلاط
وعقب المر يصب بكوب .......ويشرب وخلاص
ويستحسن لو يطعم بشوي من حليب الخلفات(النياق) أو (البعرورات)
ويطلع أحسن عصير

والعصير الثاني .......عصير التميتوس أي الطماط
المقادير:-
من 4إلى5 طماطات تمرس مرسآ جيدآ باليد أو الخلاط ويضاف إليه نص ملعقة ملح
وطاسة ماء...........ويطله عصير تميتوس مامثله يزززززززززغت


ولو تبون زيادة من تركيبات العصائر الفاخرة أنا حاضر

[الوبـيـــري]

مشكورين على هالعصيرات الحلوة ،،،

الأخ أبو صياح
ما عندك طريقة إعداد " الشـنينه " و " الفويره" وإذا قدرت تحصل لي طريقة إعداد اللـبــا أكون لك ممنون


تحياتي ،،،،

[وميض]

الجميـــــــع ...
شكراً لكم ويا حبيلكم ...
نتابع :

فخفخينا
في ناس يقولون لها شقف أو سلطة فواكه مع العصير بس كلها نفس الشي

المقادير

تفاحة مقطعة قطعاً صغيرة +برتقالة مقطعة نفس الحجم
مانجا مقطعة + كأس فراولة طازة مقطعة إلى نصفين
نصف كأس من فاكهة الشمام أو الخربز
نصف كأس من عصير الكوكتيل
4 ملاعق من الآيس كريم بالفانيليا
ملعقتان من قشطة قيمر ( أو أي نوع من القشطة الطزجة )

الطريقة
يجب أن يكون تقطيع الفواكه بنفس الحجم
ضعي جميع الفواكه مع بعض ، ضعي في كأس كبير الحجم ملعقتين من الآيس كريم ثم ضعي عليه الفواكه ، بقّي تقريباً 3ملاعق من الفواكه ثم صبي عليه العصير ثم ضعي القشطة ثم الثلاث ملاعق من الفواكه ثم الآيس كريم ويزين بحبه من الفراولة ورشه بملعقة من العصير ..

وبالهناء والعافيه

جربوه وعلموني .. لأني ما جربته .. لكن أتخيله لذييييذ ;)

[ظبيانيه]

يم يم


تسلم ايدج يا وم وم (تصغير وميض ما لقيت احلا من الدلع :D :D )


بس بذمتك بوصياح هذا كوكتيل حد يرضى عليه نقولك كوكتيييييييييل يعني عصير فرششششششششششش تحط طماط ممروس يع شو هذا لاعت جبدي اسبوع ما بكل


المهم اسمحيلنا وم وم وبحطلج هالكوكتيييييييل انشالله يعجبك واينسيج فلم الرعب اللي حطه بوصياح باسم عصير :D


المقادير:
واحد حليب السعوديه + عصير برتقاله واحده + تفاحه واحده مقشره ومقطعه موزه واحده كبيره + حبتين فراوله + نص قالب مكعبات الثلج + فنجان قهوه ونصف سكر

الطريقه: تخلط جميع المقادير في الخلاط ثم تصب في الكاسات وبس

[عبدالعزيز]

يالوبيري.................سألت من هنا وهنا ماااااااااش........بس جايبه جايبه......أصبر علي شوي بس

ترقبو عصيراتي الجاية.....مثل عصير أبوزهير.......وعصير الخيار