.
تقبلوها .. بلعثمتها
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
جيتي على بـال المشقـى جيتـي =ياحي هالجيـه وحـي الطـاري
ليله على اهـداب السهـر مريتـي =لخبطتـي ام القافيـه وأفـكـاري
عـز الله انـك بالخفـوق ابليتـي =ياكيف ابا خذ من عيونك ثـاري
المـوت لامـن بالبـرد عضيتـي =التوت .. وأشعلتي بجوفـي نـاري
عذق القصيد يطيح لا هزيتي = وينبت على غصون الجريد أزهاري
عوج الحنايا غردت ياجيتي = طاري يجيبك والف بلبل طاري
يامـا كتبتـك ليـن مانغريـتـي = كلي ندم شوهت نزف احباري
مان الخفوق .. ودرتي ولفيتي = يامهاجره ماجيت لـك أنصـاري
دامك مـن دلال الجفـا صبيتـي =شربت فنجالـك وهـذا كـاري
يمدي نسيتـي يـوم لـي مديتـي = هجرك .. وقولي ترجعين اجبـاري
يومـه نثرتـي غرتـك وأقفيتـي =من غير تلويح انتحـر مشـواري
ماعاد أنا أسأل رحتي امـا جيتـي = أنا دفنـت حكايتـك بأسـراري
لاتسأليني ليه وش سويتي = جلباب قلبك طاح شفته عاري
ماأظن مرقاب الوفاء عديتي = ولا عاد نبعه فيك اظنه جاري
روحي بمان إبليس وش خليتي = قفى خفوقي عن ظلامك ساري
ماعاد أنا اسمع لو علي ناديتي = كم ضيع السوام صدق الشاري
من حيننا يابعد حيي وميتي = الشمري لا قال قال إجهاري
أقطـع يمينـي كـان ماحنيـتـي = لأجمل خطاي وكذبتـي بأعـذاري
ياملهمـه ياملهـمـه أخطيـتـي = مانتي فقط منهي تثيـر اعصـاري
أنـا اذا ماقيـل يخـرب بيـتـي =عقب ( وسلامتكم ) أعاف أشعاري [/poem]
اعتذاري للذائقه
.
رد مع اقتباس
المفضلات