السلام عليكم و رحمة الله وبركاته ..
ربما كانت الدعوة قديمة .. من أخ عزيز و صديق ذلك المدعو ( بركات الشمري )
و لكن .. لم يكن في وسعي التسجيل حينها ..
حاولت التسجيل بأسمي ( سامي الشمري )
و لكن أعتقد أن الملكية ذهبت إلى غيري
لم أنسى هذا الأسم ( مضايف شمـّـر )
فقد بات في مخيلتي .. حتى سنحت لي الفرصـة .. لأهجم على المدعو ( google )
و أبحث عنكم .. فوجدتكم ..
و حمدت الله .. أنني بينكم ..
و إليكم . هذه المتواضعة ..
( روح الحزن )
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياللي سرقت الضحك مني وسجيت = لا تفتكر قبلك خفوقي يغنّي !
قبلك أنا في دنيتي ماتهنيت = قبلك خفوقي يقطف الجرح منّي
قبلك ثياب الحزن .. منها تشتّيت = و لبس الفرح و الضحك .. مايلبسنّي
عشرين عام .. و ضحكتي نصفها ميت = و عامين ( تكميلت عدد ) تمتحنّي !
هديت قصرٍ للفرح .. و أنبنى بيت = بيت الحزن .. ما أسكنه .. هو سكنّي !
قبلك عيوني تنثر الدمع لا جيت = يعني دموعي ...تنتثر غصب عني !!
ضحكي .. و فرحي .. مايهمّ .. لو تمنيت = و أدري أنا ... ( نَيْلُ المَطَاَلِبْ تَمَنّيِ )
ماشفت ( رميو ) مات في حضن ( جوليت )؟ = مثله أنا ( روح الحزن ) تحتضنّي
قبلك .. و قبلك .. قلتها آخر البيت = ( أوّن .. و رياح الليالي توّنّي )!![/poem]
لكم خاص تحياتي /
رد مع اقتباس
المشاركة الأصلية كتبت بواسطة السرعوفي
المفضلات