[poem=font="Courier New,5,white,bold,normal" bkcolor="transparent" bkimage="" border="double,thick,white" type=1 line=1 align=center use=sp num="0,black"]
والله اني بصدري للسوالف كتوم = دام حد السوالف للخطوط الحمر
خايف أقول شيٍ يلحقن منه لوم = وما يحس الحرارة كود واط الجمر
اكتم السر واخشى قول راعي علوم = أويقولون هذا ما صدق في خبر
لكن ان زاد الأمر لحدّ لمس الخشوم = التدري اعرفه مايزيد العمر
هيه ياللي تحاول مسح بعض الوسوم= النجوم اللوامع ما يتحولن سمر
والله اني أحاول اقتدي بالسلوم = وادري ان المراجل ينبغي له صبر
واترفع بروحي عن ردي العزوم = واتجنّب مرافق كل صاحب كِبر
وان لقيت اليتامى صرت ابوٍ رحوم = وان لقيت الأسُود اصير ليثٍ نمر
وانتخي بالحرار ولاانتخي بالرخوم= ومن يريد الصقارة يقتني له صقر
والضيافة ما أحبه لوكثر به لحوم = مطعمي زاد بيتي لو هو مي وتمر
وان نويت الضيافة عند بعض القروم= مطعمي منه بنٍ من دلا لٍ صفر
وكل رجلٍ يناظر نظرته للنجوم = ان تردى مسيره وصّله للقمر
ويالله اني دخيلك عن خطات الظلوم= ان تركته تمادى وان نصحتة فجر
كنه اللي يدلل وبيعه اليوم كوم = تشتري من خمسٍ خذ هدية عشر
في لسانه كأنه راكبن له عزوم = ويتقمز تقمز بين جرف وشجر
والبحر من نزل به لازمٍ انه يعوم = ومن جهل بالسباحة على عمره خطر
وآخر القيل اختْمه في صلاةٍ تدوم = على من صار جاره ابو بكر وعمر
مرقده وسط طيبة وعن خطاه معصوم = عربيٍ بأصله وسِيد كل البشر[/poem]
ابو فهد : سطم فهد ال خليل الجعفري
رد مع اقتباس
المشاركة الأصلية كتبت بواسطة سنجار
المفضلات