البدو غالين عندي

**شموخ** · 13-07-2006 01:20

اياك والزودة وطعن بالانســـــــــاب ************ الزود نقص وراعي الطعن مطعون
وبالك تجي باعراض الاجواد سباب ************ يالاقين بالناس هم فيك يلقـــــــــــون

صح لسانك يالضيغمي

**شموخ** · 13-07-2006 12:19

المشاركة الأصلية كتبت بواسطة الزقروطــي

يعني اي واحد ساكن بـ بيت ينقال لوه حضري ؟

اجل الكل حضر

وانا اولهم !!

لكن انا بدوي وافتخر

هلا بالأخ الزقروطي

اللحين الكل ساكن بيوت

هم يقصدون اللي أجدادهم الأولين ساكنين بيوت هم اللي يقال لهم حضر فهمت قصدهم

تحياتي

**شموخ** · 13-07-2006 12:49

المشاركة الأصلية كتبت بواسطة كلي بكم إعجاب

هلا شمووووووووووووخه

ياحيا الله عجوبه

انا باجيب لك العلم من اقصااااه

والعلم اللي يجمد على شارب راعي الوقيد >>!!!!!!

هههههههههههههههههههههه ياويلك منه لو يشوف كلامك

البدوي ..... اللي يرجع لقبيله معروفه بالجزيرة العربيه .....مثل شمر ...

واي شخصاصله من قبيله ... هذا اصله في البادية سواء ابوه او جده ومن نزل ......

اللحين مافيه ...زطبعاً احديسكن الباديه .... بس .... اصله اصله بالباديه

ياقلبي أنتي شكلك في الحجاز أو متأثره باأهل الحجاز لأن هذه أراء أهل الحجاز

ياعجوبه اللحين فيه أسر ترجع لقبائل وقبائل بدويه في الأصل عندك الدواسر ماهم بدو ؟؟؟ اللحين السدارى يقولون عنهم حضر وهم يرجعون للدواسر عندك أيضا العواجي يرجع لعنزه وعنزه بدو بعد يقولون عن العواجي حضري وغيرهم كثير حتى في شمر فيه من يقال عنهم حضر وهم يرجعون لشمر ...

الحضري ..... وهم العوائل ..... اللي غير منتشره ... واصلهم ... من نشاءتهم ... في القرى والمدن ..

يعني .... اسم جدهم اللي ينتسبون له .. جدهم هذا كان عايش في القريه .....ماعاش مع البدو في الباديه

طيب يالغاليه بضرب لك مثل واحد .... السداري من نشأتهم وهم في الغاط وهم يرجعون للدواسر هل أطلق عليهم حضر والا بدو حليها عاد -------------------------------

والنعم بكل الاثنيين .......

ولا فـــــــــــــــــــرق بين بدوي وحضري الا بالتقى ......

والنعم بحالك وفعلا لافرق بين عربي ولا اعجمي الا بالتقوى ....

واكرر واقول الغرض من موضوعي اني ابي اعرف متى نطلق على الشخص حضري ومتى نطلق عليه بدوي أو بمعنى اخر أيهما أقرب للصواب رأي اهل نجد أو أهل الحجاز ...---------------------------------

طحياتي .........

تكفين لا تطيحين علينا

شرفني مرورك يالغاليه

**الاصمعي** · 14-07-2006 10:51

هلا بالحضرية البدوية شموخ

البداوة والحضارة كمعاني لا تخفى على أحد

أما اطلاق البدوي والحضري فتعتمد بالأساس على من أطلقه والضرف الي أطلقت فيه لذلك من الصعب حصر المعنى!

فعندما تكون العائلة قريبة عهد بحياة البداوة ولم يسكنوا المدن الا من 15-20 سنة ولهم أقرباء في المدينة منذ جيلين أي حوالي 50 سنة أو أكثر ومنقطعين عنهم تجدينهم يطلقون عليهم الحضر !!

أما من هم مستقرين بالمدن لعدة أجيال ولكن جدهم الخامس أو السادس بدوي فيطلقون لقب الحضري على منهم سابقينهم بالتحضر بأجيال وهكذا حتى نأتي الا أن الشعوب الأخرى يصفون كل سعودي بالبداوة لو لم يعرفها ولا أجداده منذ الأزل!!

فالمسئلة نسبية يالأجودية!

تحياتي

**شموخ** · 16-07-2006 13:39

ياهلاااااا والله بابو خالد
يعني يكون من قبيله بس على حسب مسكنه بالمدينه

وفعلا حنا السعوديين يطلقون علينا دايم بدو ولنا الفخر بالبداوه

انا بدويه وللبداوه في رسوم ............... ولي الفخر اني اكون بدويّه
عزي مثل نجم تعالا له نجوم ................ وعزومي بكل المواقف قويّه
صبري ثبات ومن بغى الشر مهزوم ........... والله منعني عن الفعول الرديّه
انا ليا صارت لي اخبار وعلوم .............. يفخر بها حر يماري خويّه

شاكره لك مرورك اخي الكريم
شموخ

**السرعوفي** · 16-07-2006 21:35

شكرا شموخ , الموضوع يحتمل الكثير من البحث ... !!! تحياتي

**شموخ** · 16-07-2006 23:05

شكرا السرعوفي على المرور

واذا بحثت ولقيت شي عطنا اياه

**سنجار** · 16-07-2006 23:30

شموخ

لو عدنا الي ماضي التاريخ

نجد هذا المفهوم لم يتغير منذ

عصر الجاهليه وما بعد الأسلام

البدوي في لغتنا العربيه

هو الأعرابي وهو غير مستقر في مكان معين

يتبع المكان اللي به ربيع وعشب وماء

وهو بالعاده يشتغل بتربيةورعي الحلال

أما الحضري فهو المستقر في مكان معين

مثل قريش أهل مكه وبني ثقيف أهل الطائف والأوس والخزرج اهل المدينه

وشغلهم يكون إما بالتجاره أو بالزراعه..

مع العلم ان القبايل فيهم البدوي والحضري

من نفس القبيله...

والأن والحمد لله أصبح الكل مستقرين في المدن

واصبحت البداوه والحضاره مفاهيم وثقافات وعادات

الكل يفخر بها سوى البدو أو الحضر...

الحين نبي رايك انت من هو البدوي ومنه الحضري...