اساتذتي ارجو ان تحوز على رضاكم
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ذيبٍ عوى...عقب المساء...يالاصاحيب=حرك خفوقٍ بالحنايا.....عويانه
وسط خويانا..يدله القلب ويطيب=وحزة عوى...لامادله بخويانه
شتت عن السهران ضحك الاقاريب=فكره معاه...وجالس ٍ في مكانه
لجت ضلوعي بالحشا..له تواجيب=عدي انا وياه...عرف...وميانه
جار الزمان...وطرّف الوقت ياذيب=وعزي لمنهو صار خصمه زمانه
من اولٍ عزك بروس المراقيب=واليوم طلعات الضحى لك مهانه
ياذيب...دورات الليالي تعاجيب=تجزيك من عقب الرضا...بالخيانه
ان اقلبت...والوقت جانا بتوجيب=كلٍ مشى درب الكرم بمشيانه
وان ادبرت...هبت علينا اللواهيب=نخاف مدات الردي...ولفيانه
ياذيب ماعقب المعزه مطاليب=قبرٍ يضمك...عن حياة الاهانه
الوقت قفى يوم "حرش العراقيب"=باكا الزمان اللي تقافى اوانه
الياطريته....والمدامع سواكيب=تلج لجات الحشا...بطريانه
اليا ذكرنا وقتهم...نذكر الطيب=نذكر مواريث الكرم والامانه
نذكر دنيين نجورهم والتراحيب=ونذكر نزيل بيوتهم وشمخانه
لاشك دارت دنيتك والدواليب=وكلن على المقسوم ياخذ ضمانه[/poem]
رد مع اقتباس
المفضلات