فكي هماج الشّك .. للزرقة .. وتفّي هالضنا
ما باقي الا بالجروح .. علاج .. ودموع .. وارق
خلّي مكابح هالزحام .. تفك .. لرجول العنا
دبّايتين .. من الفراغ .. ان كان .. عافتها الطرق
يا فرجة الدنيا .. ترى .. ما عاد تجمعنا .. دُنا
حلم .. وفراشة ديم .. واسهابات .. من شهقة غرق
لو تعرفين ان الفقر .. هو من صنع .. ريف الغَنا
ما كانت دموع اليتيم .. احساسها .. فينا شرق
ولو تعرفين .. ان القبيح من الوحى .. صاغ الغِنا
ما ذقت .. فيروز الصباح .. اليا همى النور .. وزرق
ما كنت احس ان الجميل من البشر .. عاشوا هِنا
وما كنت اظن ان الكثير من البشر .. كانوا .. ورق
وما كنت احس ان الكثير .. من الغضب يعني .. هَنا
وما كنت اشك .. ان المسا ابيض .. ولكن .. احترق
دبّايتين .. من الفراغ !!.. بذمتي .. مثل .. ( الـزِّنا )
استغفر الله .. من شحوب الفكر .. وشلون افترق!!
ما كنت ابي .. يارب .. يا مولاي .. لدروب الخنا
موطئ .. ولكنّ الذنوب احيان .. رقتّها .. ارق
استغفر الله .. ( .... من بياض الصمت .... ) من كلمة ( انا )
وانا اذا مالت عليّ القاع .. خفّاقي .. طرق
استغفر الله العظيم
اللهم لا تجعل الدنيا اكبر همّنا .. ولا مبلغ علمنا .. ولا الى النار مصيرنا
هذيان كفيف
رد مع اقتباس
المفضلات