السلام عليكم و رحمةالله و بركاته
اكيد بتنشدوني عن شقراد
شقراد مسقط رأس الفلاوي المخضرم شقردي و قد نسبت مؤخرا إليه بعد أن تشكل فيها حزب شاقرد اما عن الموقع الجغرافي للمدينة فهي تقع جنوبا إلى الغرب من كشمير و و شمالا من جزر الاندونسيا و ينحدر منها شعب شقرون وهو شعب عاصر العهد الاسلامي منذ بزوغة فجره <<< شلون بزوغة فجره
اما عن المناخ و حالة الارصاد الجوية فيتصف مناخ شقراد بالمناخ الشقريدي وهو مناخ حار مثلج طول العام
خلونا بالسالفة ( طبعن هي حقيقية و حصلت معي قبل مدة )
ذاك اليوم داقين علي الشباب من الشقة بالظهران و قالوا لي شلون يبو رشيد تشري سيارة و ما تعزمنا على تويس تسان انا اقول نعن ابو اللي ما يدسم شواربكم <<< هياط إز أون
و نطلع سوية الدوحة ( حي بالظهران ) و حنا بالخط و هم يقولون يبو رشيد ما نبي نكلف عليك ندري توك مطلع هاللنق ( الموتر ) من الوكالة و دارين مجرجر باقساط و مانبي لك تويس بس عشنا أي عشوة
و احلف عليهم و يحلفون علي و قلت والله ما حركت الموتر إلا بحق التويس قال حداهم يبوي قلنالك عشنا أي شي لا تصدق و تطير بالعجة و تصدق عمرك تقل ما طلع موتر جديد احدن غيرك
قلت إذا كذا اوكي بعشيكم عشوة تعضون مخداتكم منها تالي اللين
قالوا وش بتعشينا قمت سكت
شوي و انا صافط عند محل تميس و فول ( فول ابو جراب )
ثمن قزوني بعين و قالوا سلامات قلت و الله نفسي بفول و يوم انكم ناوين توفرون علي فبريالين فول و بريالين تميس و كان الله غفورا رحيما
المهم اكلت معهم هالحركة
و احتروني لما نزلت و طبعن مفتاح الموتر معي ( خابرن سوالفهم ) و يقلبونها ديسكو داخل السيارة و صياح و مخانق حتى ان الوغدان تجمعوا حولهم بيشوفون وش نحوهم
و انواع الشربكة على البوري و الضرب على البدي و التنقيز داخل الموتر و التكشيح بالعالي و الواطي
و يوم تقفل معي و ارجع لهم ابتسم تقل ما كانهم مسوين شي
المهم خلوني عقب ما شريت العشا و حسبت حسابهم و قالوا لي حنا ما نبي نتعشى فوووووووووووول
حنا نبي مشاوي قلت لهم زين زين
و انا احرك بهم لم المشاوي وهم خابرين اني ناوي على حركتن قشرا معهم وهم يقولون ما ننزل من الموتر إلا بعد ما تنزل قدامنا قلت ما طلبتوا شي
و انا افتح الشنطة و اطلع التميز و الفول و هم قالوا وخر انت و عشاك لا تفضحنا و انا اتخانق معهم و اقول لهم مانيب تاكسي باحتريكم و انتم تعشون داخل المهم و بعد طول هرج قلت لهم طيب برجع التميز للموتر و انا ماشي لاحظت انهوا محدن جا وراي و انا ارتسب و اشغل الموتر و اقول هااااااا يالواجهة البحرية
شوي تجيني اتصالات
اللي يقولي سويتها يبو رشيد و اللي يقولي ترى حنا نمزح و عادي ترى
و عقب ما تعشيت و عينت من الله خير و انا اشفقت عليهم و قلت خل اروح لهم
و يوم رحت لهم و لاهم برى المطعم يحتروني و انا ابطيت عليهم
و يوم جو بيركبون الموتر و انا اسكر البيبان و اسحب عليهم مرتن ثانية
و اروح لم الشقة و ابنشر كفرات مواترهم و انطلق لم واحدن من الجماعة
و من تاليها يوم قابلتهم بعد شهرين مانيب قايللكم وش صار معي
طبعن هم 3 و انا واحد و الكثرة تغلب الشجاعة و إلى هنااااااااااااااااااا مابي أكمل
انتهينا
يالله كل واحد يطلع قطته و يحطها تحت موضوعي
-------------
تحياتي
أبو رشيد
رد مع اقتباس
المفضلات