السلام عليكم جميع
ياخوان هكا اليوم كنت جالسن عند خوياي ويسولفون عن المدرسه والاختبارات والنتايج
عاد خذتن ذاكرتي للوراء دووووور
وطرت علي سوالفن لي يوم انا صغير بالابتدائي
واخترت وحدتن منهن ابسولفه عليكم
هذا سلمكم الله كنت هكا السنه بصف خامس ( أ ) كبر بناخيي هذا ( ويشير بيده الكريمه الى
المطنوخ ) وكنت مليان شطانه وكان معي واحدن من العيال ينقالوه شمقل تعرفونوه او سعتو بوه
المهم اننا كنا من اكسل البشر ولا ننفع بسبع المذاهب ونوذي القاع اللي نمشي عليه
وكل يوم يطلعنا المدرس علشاننا مانحل الواجب
عاد اجتمعت في يومن مااااااااا برفيقي شمقل وقلت لو يا شمقل ليا متى وحنا على هالحاله
كل يومن يكفخنا المدرس قدام اللي يسوا واللي مايسوا
قال وش تبينا نسوي مذاكره وحل واجبات انس مافيه امل
قلت عندي لك خطه
قال وشهي
قلت نبي نسرق دفتر المدرس ونحل واجباتنا منوه
قال ايوالله اثريه يغش مايعرف يحل الواجب لحالوه
قلت كل تبن
يابن الحلال ركز شوين نبي نفك عمارنا وش علينا منوه
المهم سرقنا الدفتر ورحنا للبيت
ومن الدلاخه حلينا واجبات الاسبوع الجاي كلهن ( غلطه وندمان عليها )
ويوم جاء باتسر فقد المدر دفتروه وقام يفتش ويدور وهم يرثعون بالمدرسه هكا اليوم
ويوم جاء اليوم اللي عقبوه وهو يجينا المدرس قال عطوني واجباتكم ابصحح
وحنا نتناقز انا ورفيدزي اول الناس ( مهي لنا بالعاده )
قال ماشاء الله عليكم يا شمقل انت والشبث حالين اليوم
قال شمقل ايه يا ستاد وشف بعد حلينا واجبات الاسبوع الجاي كلهن !
قال المدرس وشو ؟؟
وهو ياخذنا ويودينا للاداره
وانواع التحقيق
وانواع الطراقات ليما اعترفنا بجريمتنا
عاد الله لا يوريك حتى مدرس الفنيه الخبيل قام يرفسنا
ويوم هدا الوضع شوين قال المدير باتسر جيبوا ابوانكم معكم
ومن باتسر جينا وشيباننا معنا
واجتمعنا بمكتب المدير
قال ابو شمقل هاه يا مدير خير ان شاء الله وشهو مسوي شمقل
قال المدير سارقن دفتر المدرس
ومامداوه يخلصه الا ابو شمقل متلولسن بفرة ولدوه
وخذ عندك ( اربعطعش بقس + عشرين طراق + ثمانين ركبه + خربشه للوجه على كم كوع
+ عضه واحد فقط )
ويالله يتماكن المدير الباب ويفتحوه لشمقل وهو يطير تقل طير ماء وابوه واراوه
انا بسم الله علي من الخرعه تجودت ببوي منخرع من ابو شمقل
وابوي الله يخليه قام يمسح راسي ويسمي علي
ويوم هداء الوضع شوين
قال ابوي هذا شمقل وسارقن دفتر المدرس
واكيد ان ولدي الشبث هو اللي ماسكوه
قال المدير لا ولدك الشبث معوه ( يهب ياوجهه )
( دقيقة صمت بالله )
وهو يراعيلي ابوي بعينن قشرى كله حقد وكراهيه ونيله متنيله بسين نيله
وانا اراعيلوه بعين كله حسره وندم على ماجنيت
وهو ينقض علي مثلما ينقض الاسد على الصخل الصغير
وانواع التشويت
وانواع الطردي بمكتب المدير
وهو يسحب عقالوه ويمحطن بالوجه
وهي تغدي الدنيا ظلاااااااااام بوجهي ماشوف ابد
ومن قرادة حظي كان المدير حاطن صورة الكعبه بمكتبوه ( ذابحوه الدين )
ومن الضربه احسبه الباب
وانا انطلق يمه امشي خمسين الف
وانا الصق به ليمار غادين تقل من اللي يطوفون بالصوره
ولا وعيتالا على صورت المغذي بالمستشفى
وهذي كانت نهاية فرقة حسب الله
واسف على الاطاله
وتقلدوا تحيتي
رد مع اقتباس
المفضلات