اهدي لكم اخوتي اعضاء مضايف شمر ومتصفحيه هذه القصيده اللتي في المقناص في موريتانيا في صحاري النعمه قبل ستة اشهر ارجو ان تنال استحسانكم ولكم مني كل الحب والتقدير
[poem=font="Simplified Arabic,5,orange,bold,normal" bkcolor="black" bkimage="" border="none,medium,gray" type=2 line=0 align=center use=ex num="0,black"]
ابي اتجول مع هل الطيب والجود=واخذ صفات الطيبين النشاما
واجول في بريه اجبال ونفود=فيه النفل والطيب هو الخزاما
مافيه جوال ومراسيل وردود= بصحاري فيها يطيب المقاما
صقارة ماثورو ملح بارود=بصيد الحباري ماخذين وساما
اضيق لا قالو لي الطير مفقود=وارتاح لاشفته على الجو حاما
لو انت بعصابك منرفز ومشدود=من الصباح الين حد الظلاما
عندي مثل حب الملايين والذود =واعز من بنت تدق الوشاما
حب كبيرن ماله ابعاد وحدود=كنك بجون فيه عشق وهياما
انا خوي المسك والطيب والعود=واللي يفرق بين حل وحراما
يصحي ولو ربعه مريضين وارقود= يقوم ما يترك صلاة القياما
بالنعمة اللي برها غرس وورود = ياجعلنا نقنص بها كل عاما
ماهمني لاصرت طارد ومطرود=راع القنص بين الظما والهياما
ترى القنص مابه ملامات ونقود=اليا كفخ طيره ولف الثاما
ارجوك يالغفار ياخير معبود=ياحافظ احقوق النساء واليتاما
تغفر لي الياصرت بالقبر ملحود=يانصرت الملهوف رب الاناما
يارب ترزق دارنا برق ورعود=غيث على ذيك الديار يتزاما
ياديرة التوحيد يادار ال سعود=مزن من المعبود برد وسلاما
وانا بعد شوقي تناما لمجود=غالي وهو توه بسن الفطاما[/poem]
فهيد سلطان البراهيم التميمي
قرية السبعان بحائل
رد مع اقتباس
المشاركة الأصلية كتبت بواسطة السرعوفي
المفضلات