[poem=font="Simplified Arabic,4,black,bold,normal" bkcolor="tomato" bkimage="backgrounds/2.gif" border="none,medium,sienna" type=4 line=0 align=center use=ex num="0,black"]
الله مـن عيـــن دمـوعه حـدريــا=من مـوق عيـني ياتي الــدمع زافات
ضخّت مداريجه على الخد جريا=ودلّـــــت تكظ اعبارها تقل سكـرات
كأن الأفـاع السّحم سمّه وشريــا=أروى سويداء القلب صار الزعافـات
بلاي طفــلٍ في عيـونه سكـريــا= المـوت الأحمر بالعيــون الظليـــلات
فيهن سحر هاروت فوق السطريا= وألا خمــر بابـل بصاف الغضـارات
راع النعــامة كن سيــفه شهريــا=بمقـرن الحجّــة نهـــار المثــــــارات
كاسيه ذيـل كروش تـوّه مهـريــا=وكحيــلة الجربـــــا ودهـم العبيــــات
غــروٍ مساميــره بقلبـي سمريـــا=وصبـّه من الفـــولاذ هـو والفلـــزات
أشكي لأبو فيصل زبون الخطريا=فهــد بن ماطـر زبـــون الشديـــــدات
من مأتـم فيه الفيــالــق تمـــريـــا=محصّـــن عــدّه بحـــي السفـــــارات
لو ينشكى للنــوم مابـي سهـريـــا= ولو ينشكـى للحـي أمسى بالأمـــوات
ولو تنعرض لسنيـنها والـدهريــا= خطــرٍ تبدل بالدقــــايق وسـاعـــــات
ولو أبكــمٍ يدري بما بي جهريــا=ودلا يعــزف النــاي فيها بالأنــــوات
عسى الذي بأمره حقوق المطريا=محكم بنا أرضـه وسبـع السمــــاوات
يلطف بنا قبل احتـدام الخطريـــا =هـو الــذي يعلــم بغيــبه وما فـــــات
وصلوا على المختار هادي البشريا=ما جابت الأنـواء الهبــايـب وذرات
والآل والأصحـاب هم خيـرنا أريا=بآخــر كلامٍ به تتـــم العبــــــــارات
مبارك الشوباش [/poem]
رد مع اقتباس
المفضلات