من معارك شمر وعنزة

[خيال البويضا]

السلام عليكم ورحمة الله وبركات

أخوي أبو طراد القصه اللي ذكرتها ليس صحيح نهائيا

والصحيح هو الموجود في الرابط


http://www.shmmr.net/vb/showthread.p...577#post580577


ولكم مني جزيل الشكر

أخوكم/خيال البويضا الصقري

[فواز الغسلان]

حياك الله اخوي ابوطراد ومشكور على هالموضوع00

وحسب معرفتي ان معركة القيصومه المذكوره كانت نهايتها لصالح قبيلة عنزه

لانهم استماتوا دون انفسهم وحلالهم وربما ان الراوي لم يكملها لك00

ورحم الله الجميع00تحياتي يالعزوه00

[زاهي]

‏ يعطيك العافية يابو طراد

واللي أسمعه من الشيبان مثل ماذكرت إلا في أشياء:

‏_‏ العمارات ماخذوا شين لشمر ، هم جايين يبون شمر وذكر لهم النمصان على زرود ، فقالوا: ناخذهم ونارد على الما _ولاهم منوين غيرهم _ وصارت للنمصان عليهم، وكان أقرب ما لهم القيصومه ، ونصوه يبون الما ألا أكثر سنجاره عليه ومقدمهم غضبان ، ونوخوا قبالهم وشمر مانعتهم لاياردون
يوم إن العطش هد حيلهم قال ابن ثامر: قدموا الركايب وصيروا قفوهن لياما ناصل الما ، حنا إن ماوردنا ذبحنا العطش
يوم شافهم غضبان هاللون قال: ياشمر هذولا مستميتين ، ودون عمارهم مار زلوا عنهم خلوهم يشربون

ووردت عنزة وماكان به لامعركة ولاذبح به أحد
‏
‏_أما اللي سميتوه مشعان كان رفيقن له صويب مصوبينه النمصان بزرود ويوم أدرك من العطش قال:
يافلان والله لو أنت بمكاني وتبي الما والله لاأجيبلك لو هو على عمري
قال : أرخو فلانه ، وهو يخمش الدلو وهو ينصى الما اللي مانعته شمر
قالوا: يالربع إن شرب دون ربعه اذبحوه ، وإن ماشرب لاأحد يتعرضه وكاد إن وراه أحدن مدرك



أكرر شكري لك يابعدي

[غالب]

[frame="9 98"]يالطنايا حياة اليوم ملعونة[/frame] وين شمر اللي يذبحون العالم أهل الخيل والذبح

[المحـترم]

أخوي المعركة هذي انتصرت بها العمارات


وكانت شمر قد حفرت المتاريس ( الخنادق ) أثناء عودة مشعان منهم عندما لم يعطوه الاذن بالشرب لجماعته

وقال مشعان وهو راجع بالطريق

[align=center]يأم القريني مادلي@@ يامحلا ضرب العصملي@@ بيدين ناسن هواشه[/align]


وعند وصوله لجماعته قال هذه الابيات


ولما وصل قال الابيات ...
[align=center]الجيش مضمي وله حنه ... مامن عذر ياعماراتي (دليل على أن العمارات معه )[/align][align=center]
ذبيحنا اليوم بالجنه ... ولا ينعي واحدن ماتي
الحرز كود يردنه ..... غصبا ولابه مرواتي (اسم المكان )
ياربعنا مابه كنه .... خلوا الجيش زافاتي
[/align]وتختلف الروايات في القصيدة لكنها من أهلها ...
و الانتصار كان لللعمارات ومعروف والدليل الأبيات التي قالها ابن زبدان بعد المعركة
وهم يمدح شمر بها ايضا ... ولم يقتل ابن زبدان في هذه المعركة بل فيما بعد قتل ...وابياته معروفه بأخته مشعة...

وهذه ابياته بعد المعركة ..... وتسمى معركة القيصومة ...
[align=center]الطيب ماهو لكم عنــا @@ يامحرقين المحاميسـي
أنتم وحنا تحاربنــــــا @@ يا زوبع ويالسناعيسي
حنا وياكم تراهنـــــــا @@ وياما نهجتم مفاليسـي
قلنا لكم جنبوا عنـــــا @@ يا كاسبين النواميســي
لعيون من نشّدن عنـا @@ ندككم بالمتاريســـــــي

[/align]حتى بعد الانتصار يمدح الخصم وهذا ماكن يميز الأولين ...
وصفهم بالطيب وكاسبين النواميس والعلم الغانم

فكيف تقول نا مشعان مات بالمعركة وهو قال الابيات هذي بعد الانتصار

والمعركة كانت بالقيصومة حول الحفر

[((عبدالله بن غيث))]

ونعم بالجميع ....!

شمر وعنزة كلهم فريس , وعلى كثر مادار بينهم الا أنهم قراباة لشمر , وبينهم نسب. وهذا أن ندل يدل على رجاحتهم..!!

تحياتي لك يابو طراد أجدت وأفدت ...!