السلام عليكم ورحمة الله وبركاته:
الغالين الرائعين في منتديات شمّر .
للغياب اسبابه وللقلب هنا نبضُ لايتوقّف .
وللغالي والقريب إلى قلبي (سلطان الحجاج)
ولكم أنتم أهدائي.
.
.
.
.
[poem=font="Simplified Arabic,5,white,bold,normal" bkcolor="transparent" bkimage="" border="groove,medium,gray" type=2 line=0 align=center use=ex num="0,black"]
كان حلم ولآجمل أحلامي حكيته=ليلة البارح وآنا صدري شمالي
ماوصلت بدايته حتى آنتهيته=في مواعيد وزغاريد إحتفالي
للمسا . لنعاس ليلٍ ماغفيته=للبياض وما صبغ رمش الليالي
لآخر آخر دربي اللي مامشيته=لأول اول مُر مَر وذاق حالي
السهر دربٍ سراني لو سريته=والتعب كيفي ليافاحت دلالي
كم سقاني ضيقة الصدر وسقيته=صافي حروفي وشلال إبتهالي
كل ماهد التعب حلم وبنيته=لوّحت لي بسمةٍ في ثغر سالي
والحبيب اللي سرقني وإصطفيته=الزمان إستكثره يومه صفالي
مامنعني عن ظما ماه ورويته=عن ظما ياما هما ماه الزلالي
لين رتب لي جفاه وقلت ليته=ماتركني مقتسم جرحه لحالي
أكتبه وآنسى إني أكتب لاقريته=وأنثره للريح وألقى به خيالي
بعت لجله كل غالي وإشتريته=والمكاسب ماطلع لي راس مالي
ياقصيدي والله إني مارجيته=وإن تغلا ياقصيدي فآنت غالي
كم دعاني داعي الشوق وعصيته=لا دفا شمسه ولا بارد ظلالي
إنتهى بي للطريق اللي بديته=وإنطفى واشعل معه نور إحتفالي[/poem]
رد مع اقتباس
المفضلات