.
.
مانحن في هذه الحياة الدنيا الا كـــ ( عابر سبيل ) قال في شجرة ومضى في سبيله
تاركاً هذه الشجره ,,
.
.
.
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
روّحْ / فمان اللي يحفظك و يرعاك=صدري ترى ما عاد يقدر يشيلك
و أنا بحاول قدْ ما اقدر أنساك=و إنت إنسني و أنا بادوّر بديلك
ياهمي اللي كل ماجيت بسلاك=تشب مابين المحاني فتيلك
تعّبتني/ روّح متى يوم فرقاك ؟؟ =قل لي/ وكمّل عن خفوقي رحيلك
ياقلب شفت شلون تتعب خطاياك ؟؟ =ياقلب شفت إشلون ضايع دليلك..؟
و في كل ضيقه تنعكس لك رزاياك=( الذنب ذنبك ) يوم ماتت نخيلك
لاتلومني ياقلب يكفيك ماجاك=ارحل وخل الذنب وآآآ عزتي لك
ارحل عسى ربك يحفظك و ياقاك=و بالك تضيق و انت ربك وكيلك
وفي كل نبضه منك ياقلبي أحياك=مع ( نيتّك / مع طيبتك / مع حصيلك )
ياقلبي ادري فيك ( طيّب) و بلواك= طيبك!! و بعض قلوب حولك تخيلك
رهافتك / ذنب ٍ معا وقتك افناك=وحبك لمن حولك جعلني عليلك
لو كل من اغليت ياقلبي اغلاك=مايكرهك من كان حاول يزيلك
والصبر زين و تاخذ الحق يمناك=و الصبر زين و فيه تكسب جميلك
ياقلب وش لك بالتعب لا عدمناك=( يالله مشينا ) / خلنا من مقيلك
ياقلب جسمي صار متعب و ينخاك=( يالله / مع الله ) و اسرج الحين خيلك
لا تنتظر يوم به الناس تنعاك = تروح عن مغليك / عابر سبيلك
ولاتحسب ان الموت لا طوّل اخطاك=يروح عنّك / بس يرجع يجيلك
يارب عفوك جيتلك و اطلب رضاك=يارب قلت و صادق ٍ دوم قيلك
يارب ذنبي صار همي و رجواك= اسرفت بذنوبي وجيت التجي لك
[/poem]
مخرج : قال تعالى :
(قل ياعبادي الذين اسرفوا على انفسهم لاتقنطوا من رحمة الله)
.
.
استودعكم الله
رد مع اقتباس
المفضلات