[poem=font="Simplified Arabic,5,orange,bold,normal" bkcolor="black" bkimage="" border="none,medium,gray" type=1 line=0 align=center use=ex num="0,black"]
وجدي وجود اللي بـداراً خليـه= شمس الشتا غابة ولا من معازيب
رجلي ولالـه بالمسيـره مطيـه=وقبل ظلام الليل حوله عوى ذيب
وضرب قدم رجله على جنب حيه=صوته يصيب لكامل العقل بالريب
ناظر وشافه طيـةً فـوق طيـه= لكن حماه اللي علم خا في الغيب
اووجد صـدام الشجـاع الدهيـه= على زمانٍ يدب الخصـم تاديـب
الله علـى وقـةٍ ليالـه رضيـه= يوم الرجل يخا ف من كلمة العيب
ومجالسٍ فـي شوفهـم قابليـه= اكثر من الثلثين بلحيهـم شيـب
ونفوسهم بالمجـد دايـم غنيـه= ولا يقبلون اشخاص فيهم عذاريب
بهم على فعل الشـرف غايريـه= وكلامهم زيتن النبـا والتراحيـب
كلٍ يقول الهرج في حسـن نيـه=واكيد في هرج النشامى تعاجيـب
وقلوبهم مـن كـل حقـداً نقيـه=ومن هم ياويل مشذبين العراقيب
وافين مايرضون فعـل الخطيـه= بالمجد للوافين فعل و مواجيـب
بالمرجله كـل يوصـي و صيـه= يعلم عيال فعل الامجاد والطيـب
ومنزا لهم بارض النفود الفضيـه= ماحده المذبح لضلع المـرا بيـب
رمله مثل لون الجواهـر عذيـه=قبل يطبه سايق الجمس والجيـب[/poem]
رد مع اقتباس
المفضلات