السلام عليكم ورحمه الله وبركاته
اسعد الله اوقاتكم بكل خير
مصافحه ثانيه لي عندكم بالمضايف...وان شاء الله تعبجكم يا بعدي
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يامكثرن هرجك ترى الهـرج ميـزان=
لأهـل المراجـل والعلـوم الوكيـده
اللي لهـم عنـد الصناديـد عنـوان=
والهـرج واحـد لا أبـد مـا يزيـده
ياكـم رجـالٍ بنـا اليـوم بنـيـان=
وبزلّـة لسـانـه هدمـهـا بـأيـده
مـاراع لسلـوم ورثـهـا لـجـدان=
والا نصـايـح قـراهـا بجـريـده
وش قولك بسقـفٍ بليّـات عمـدان=
بالكـاد طايـح والعشـم ماتعـيـده
والا علاقه حـب مـن غيـر خـوان=
ولجـل المحـب كتـب بـه قصيـده
ياصاحبـي تــرى للهرج بيـبـان=
وخيـر السوالـف مداخلهـا عديـده
خلـك مثـل ماقيـل رجـال ذيبـان=
هرجـه وكـاد والسوالـف سديـده
وخلك من اللـي تقـل بـك طمعـان=
امـا بقرشـك...او طرالـه مكيـده
والا تماشيلك..ملاعـيـس..ورعـان=
عـز الله انـك جالـسٍ عالحـديـده
خلك مع اللي عاشـروك عد..خـلان=
تلقـى بعشرتهـم حـيـاةٍ سعـيـده
وخلك مع اللي ينصحوك نصحة اخوان=
دنيـا وديـن والفعـل دوم سـيـده
وانا ولـد شمـر وغيـري ولا هـان=
اللـي قصيـده بالمحانـي مجـيـده
وختامها صلو على خيـر مـن كـان=
بعـداد دمٍ نـازفٍ مــن وريــده[/poem]
وسلااااامتكم
نواف بن ناصر
رد مع اقتباس
المفضلات