.
. هدية للمضايف وضيوفها
.
وعدنا الاخ الغالي والعزيز ابو نوف بالقصيده فوفى بها وهذه القصيده بين يديكم((( لاول مره تنشر ))) فى مواقع الانترنت كهديه بسيطه للشبكه العزيزه على قلبه وانا اطرحها نيابةً عنه
جتني على الميعاد تمشي وتختال
................... حسيت فيها شي بس ماعرفته
قالت سلام و نشـّدتني عن الحال
................... حر السلام بقولها ماهضمته
ماهي معي فى راسها ألف موال
....................وزوّد شعوري شي فيها لمحته
شفت الحزن بعيونها ألوان واشكال
....................هي ماحكت لي شي لكن فهمته
وراحت وراح الوقت وغيابها طال
....................سنين من عمري مضن وانتظرته
وانقطعت أخباره ولاشفت مرسال
....................مرت ثمان اسنين من يوم شفته
تبدلت من عقبها أحوال واحوال
...................ومجلاسنا ماتت غصونه ونبته
عذبت نفسي بين الاقفا والاقبال
....................أحفيت أنا الاقدام من شي دسته
ابشتكي همٍ علي كبر الآجبال
....................أبكشف هموم بقلبي كتمته
ودي أصيح وارفع الصوت ولوال
....................ياهوه من عيّن حبيب فقدته ..؟
وعقب البطا وعقب المأسي والاهوال
....................وعقب القصيد و كل وجدٍ كتبته
وعقب الدموع وموت فرحه وامال
....................والانتظار وحر جمر لمسته
صادفتها وعرفتها مابها جدال
...................الزول هذا في خفوقي رسمته
الزول هذا غير عن كل الآزوال
....................لو ياضعونه بين مليون جبته
ومن فرحتي أزريت لمشي ولا احتال
....................نخيت رجلي والمشاعر زهمته
أرقص فرح . حزني غدا . همي وزال
....................ربيع قلبي عادلي واحتضنته
من لهفتي له مدري شقلت وشقال
....................بس اذكر إني عن غيابه سألته
مارد لي .. دنق .. تلفت ولا قال
....................من ارتباكه خفت رده وخفته
عندي شعور بعلم ماهوعلى البال
...................عندي شعور بفاجعه ماحسبته
قالت تشوف اهناك مابين الاطفال
....................يمكن عرفت اللى عنيت وقصدته ..؟
أنا ترى هاالحين أمري لرجال
....................والبنت اللى شفتها ذيك بنته
ضاقت على لاشرق لاغرب لاشمال
....................ضاع الكلام وضاع درب حفظته
شفت بعيوني كيف الافراح تغتال ؟؟
....................مات الغرام وحلمي اللي حلمته
ياضيعتي ماتنتوصف بالآمثال
....................الحب مات وفي يديني دفنته
خسارتي ماتقاس بكنوز واموال
...................أنا ثمان اسنين لجله خسرته
شمسي غفت ماأرخصت لي بمقيال
....................والليل يدعيني لممشى كرهته
هذي حكاية واحدٍ كله هبال
....................عمري غدا على أمل ماوجدته
واتلى جوابي أرفع الصوت ياعيال
....................ولحن الوداع اليوم لجله عزفته
رد مع اقتباس
المفضلات