ها أنا ذاأعود إليكم بعد إنقطاع طويل كانت اللحظات فيه عصيبه
قد تجدون تفسيراًلها في هذة القصيدة
[poem=font="Simplified Arabic,6,black,normal,normal" bkcolor="transparent" bkimage="backgrounds/13.gif" border="double,medium,darkred" type=1 line=0 align=center use=ex num="0,black"]
أنا احمد اللي قـدر العمـر تقديـر=حكمـه علينـا جـاريٍ بالعـدالـه
رب كـريـمٍ عـالـمٍ بالتدابـيـر=باعـث نبيـه بالهـدى والرسالـه
أسألك لي عفـوٍ ولطـفٍ وتصبيـر=يالواحـد المعبـود يـاذا الجلالـه
أجبر مصاب اللي غدى حالهم غير=كن الحـزن خيـم عليهـم ظلالـه
بسباب شخصٍ راح في حادث السير=عمره قضي واصبح وحيـدٍ لحالـه
وتبدله عـن ظلمـة القبـر تنويـر=وبعالـى الفـردوس تجعـل مآلـه
وتجير ذيك الـروح يالله يامجيـر=من حر جمر النـار قربـه وفالـه
أمك على فرقاك من الحزن ياعمير=تصفق يمين الكف باعلـى شمالـه
ماهو جـزع لاشـك هـمٍ وتفكيـر=شـيٍ خلقـه الله وهـذا مجـالـه
عز الله إني منه ما شفـت تقصيـر=وافي يميـن ولا يعـرف الجهالـه
عسى ولي العرش يجـزاه بالخيـر=قولو معاي آميـن ياهـل الجمالـه
ياعمير من فرقاك شفت المخاسيـر=كنـه علـى نجـدٍ تطابـق جبالـه
لو حملو سلمى من الحزن ياعميـر=كثر الذي صدري تصبـر وشالـه
كان نهدم ضلعه من الهـم ياعميـر=وصاحت لجا ونادت رواسي جباله
صلاة ربـي عـد ماغـرد الطيـر=وعداد ما لاحـت بـوارق خيالـه
على النبي الهاشمي مصطفى الخير=محمـد المبعـوث وصحبـه وآلـه [/poem]
الشاعر سديد الراي
رد مع اقتباس
المفضلات