( حايل ) هكذا بلا تعاريف .. عباره بليغه جدا !!
فكيف .. اذا ماكان المطر مشتاق اليها ؟!
.
.
بنت الجبل .. واخت القصايد حايل ...... نفسي على حب ارضها مفطوره !!
مبطي وأنا شوقي غزير وسايل ..... وشلون لاصارت بعد ممطوره ؟!
وش انت بعده ياقصيدي قايل ...... تعطرت بالغيم فوق عطوره !!
.
.
ليست قصيده في حضرة " أخت القصيد " وانما حديث شوق اليها .. مع اخبار المطر الأخيره ..
ولا عزاء لمن لايراها الا زياره _ مثلي _ سوى أن يحاول ترجمة رائحة الشوق التي علِقت في ثياب روحه .. الى نص ينقصه أن يكون كذلك !!
( لاحظوا يحاول لا أكثر ) !!
.
.
[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ياحايل .. أنشدك بالله .. ريحة ترابك ..
=وشلون للحين عيت تترك ثيابي ؟!
انتِ من الغيم عطرك .. وأفخر أطيابك ..
=وأنا بطاريك .. عطري وأفخر أطيابي !!
ما قلتي لسيلك الي جاك .. وش جابك ؟!
=ماقال لك .. جيت أكفّر سالف غيابي ؟!
تزهين بالسيل .. والا السيل يزهابك ؟!
= يادار خال ٍ مثبت شعره أطنابي !!
أولى من الغيم با للي فيه .. وأولى بك ..
=وشوقي لريحة ثراك الغالي أولى بي !!
منهو يلومن وأنا في زاخر كتابك ..
=أقرى من العز ما يرفع .. ويرقى بي ؟!
يشتاق من مرك .. وشافك .. لترحابك ..
=وشلون أنا الي بك أصلي وأعرق انسابي ؟!
مبطي وانا الشوق واقف بي على بابك ..
=مبطي وروحي معه فيك .. يتمشى بي !!
قالوا مطِرتي .. وسال السيل بشعابك ..
=قلت المطر بالضلوع الحدب واشعابي !!
قالوا رويتي .. وغسّل سيلك أتعابك ..
=قلت الروى لي .. وأنا الي زالت أتعابي !!
كنّا مطرنا .. ما دام الراوي ترابك ..
=وشميت ريح المطر تحتي من ترابي !!
عطرتي الغيم .. يومه عطر ثيابك ..
=وأنا من العلم ريح الديم .. بثيابي !!
[/poem]
.
.
ولتعذرني " حائل " .. وذائقتكم !!
أطـلال
رد مع اقتباس
المفضلات