صيت وحضور
بين اياديكم
أتمنى الى قلوبكم النقيّه الصافيه فقط
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
منصور ياخشم القلم وانت منصور=في كف يزبن في دخيله مظاليم
انا كفيلك والقوي صار مذعور=وش عاد يتبغي لاكفلك الـ مجيحيم
اطبع كلام الصدق في جبهة الزور=واحي بكلامك غفلة العالم النيم
باطلق مجاهيمي مع اطلاقة النور=واشعل ظلامٍ سرحوا به مجاهيم
دنيا تدور ولاسها عنّك الدور=تبقى خرابه لو ترممت ترميم
خذ دورك وعمّر من ديارك قصور=ويدوم حظّك قد مالدايم يديم
وانا احمد الله جامعٍ صيت بحظور=أكثر بعضها من كلام المعازيم
والبعض الاكثر صيت من عدّة عصور=من ربعي اللي غيروا بالمفاهيم
الله جعلهم لو يجوسون بالدور=خلوا اعز القوم يشكي من الظيم
لو يزعلون اقسى من الخسف بالطور=لاشك أصغر واحدٍ فيهم يشيم
من ودعوا تثليث لمتهم قصور=واستكثروابك يابهيج انك تقيم
شمر وانا لاثرت والله معذور=تاخذني العزه واسطّح على الغيم
واجيب قرص الشمس بيدي مكسور=واقول حنّا الضو ياضو ترهيم
وش عاد ياللي كاسر بعينه النور=النور باقي وانت بالخيبه اتهيم
حرين مانتبع لنا شيخ مامور=ولا من الطرقيه اللي مساقيم
مانتبع الا شيخ ابن عمّ مخبور=صيته على شبه الجزيره ترانيم
قاله ابن حثلين والقول محظور=قولٍ من الصمصيم في حق صمصيم
وانا وربي عارف ان كنت مسحور=ربعي غلاهم حطم الجوف تحطيم
واخص من في عتمة الليل ديجور=كل العفاريت الضعاين ولا ليم
قلبٍ خبر كم شيخ ردوه مكسور=والغالي اللي حدروابه ولا سيم
وان جاسوا العزه رفعنا يد الشور=وان جوا طحاطيح اللقا جاه صمصيم
يسوقه مجيحيمي ودمه يفور=وتلبي جموع العفاريت وتقيم
وتحرك اقسى فارس وكل مغمور=فيهم يظيم الوقت من مابعد ظيم
لاتعطي الخاوه ولاتقبل الجور=وتزبّن اللي يطلبه اكبر الهيم
فينا خوي الذيب تاريخ ماثور=وحنا بنا نور الليال المعاتيم
وحنّا لنا شيخة عرب باول الدور=وحنا لنا في شيخة الخيل تكريم
يعني كذا ولا كذا مابه قصور=ونبقى كذا رغمٍ على كل تعتيم
[/poem]
رد مع اقتباس
المفضلات