[poem=font="Simplified Arabic,5,deeppink,bold,normal" bkcolor="coral" bkimage="backgrounds/19.gif" border="double,thick,red" type=2 line=1 align=right use=ex num="0,black"]
جنَّب هَبوبَهْ
بديت بالمعبود في وقت الضحى=باســــــم الكريم الواحد الماحود
يارب يا معبود يا والي القـــــدر=يا سايقٍ مزنٍ ومعاه رعـــــــــــود
يالله طلبتك يالــــولي تهديـــــــنــي=يا واحدٍ له العبــــــاد ســــــجود
والبارحة عيني جزت عن منامه=ظليت ســاهر والعبـــاد رقـــــود
وسهرت لمـا نجمة الصبح بيَّنـت=مضيت ليلي ســـــــاهر ملهــــــود
يالله دخيلك قلت ياربي الذرا=وانا دخيلك عن الوجيه السود
وادري بحكي الناس وعلوم العرب=ومن طاع لعلوم العرب ملدود
وتروا السديري قبلنا قال قولة=قولٍ صحيح وبيـّن مــــــــاكود
ولا ينبت النوّار بريضان الصبخ=والحنـــــــــظلة مرّة ولا به فود
وبعض العيال تنومسك خوّتهم=وبعض العيال بخوّتُـه منقــــــــود
وبعض العيال ليا نخيـــــــته والم=وبعض العـــــــــيال يولـّـم اللادود
وخطوى ولد من كل جيهه قاصر=يفرح لـــــــــــيامن قلـّط المثرود
يا شفت صلخه قلت هذا صابه=مكمخ علومه تكصم البـــــــالود
وخطوى ولد يجيك حكيه راكد=وحكيه وقاع ولا يريد شـــــــهودْ
ومن دوّر الحيلات وْلَـدْ العالم=عسى يجيــــــه من الولي لادود
ومن دور الحيلات وصاد العالم=يبين لك عقب الحـْيَلْ مصيــــــود
ووقتٍ علينا اليوم مثل الظلما=ولا ظنــــــتي وقتٍ مضى يعود
فاتن ســــــنين ولا بعـــد يردن=وفاتت بهن قمرا وليالٍ ســـود
وقلت آه يا وقتٍ مضى لو يرجع=وليت الزمان اللي مضى يعود
يومٍ شــمــر علمـــــهم متـنـبــــي=وسيوفهم من صافي البـــــــالود
ومن دار بالأذكار افعال شمــر=افعال شـمـر ما تريد شــهود
من قال شـمــر فعلهم خافيـنـي=ينـشـــــد ويلقى فعــلهم ماكود
ينشـد عن أكوان الشريف محمد=من ضـرب شـمـر هج ما يعــــود
ولفوه من ولد الغفيلي ســـــــــربة=وعقيدهم شـــــــــــايع لهم يقود
ويامـــا لفـــــوه اولاد ثابت سربة=من فوق قــُبٍ يَرْقــَنْ الســـــــنود
وان رد ينخى بيص وين ابو شاكر=الخيل جتنا تقل وصــــــف ورود
وياما لفوه اخوات شلوى العجارشة=عزّالة الطـــــــارد عن المطــــرود
يقول له يا بيص شــــــــمـر جونا=ويقول له بيص بليا زنـــــــــــــــود
والثانــــــية دار الجزيـــــــــــرة عزنا=هي عــــــزنا مبطي وملك جدود
من دور فارس وهي ملاجي شمر=وشـــــــالوا منه واقفوا ضنا عبود
وياما وقـَفوا به وسطموا من عايل=وياما رموا به من عريب جدود
وجنـّب هبوبه واستهب لغيرنا=وتالي زمـــانه حدّدت بحدود
وان كان زليت قولــــــوا مخطي=والمعذرة كان الحـــــكي به زود
وتمت وصلوا عد ما هب الهوى=على رســــــــولٍ حطــه المعبـــود[/poem]
رد مع اقتباس
المفضلات