[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يا مطـّول عليّه .. وآخرتها؟!.. عساك=كثر مالوجد فيني .. يجرحك .. لين اجيك
صاحبي غير عقلي ما بقى لي بهواك=لا وصلت لجنوني .. كيف انا بهتويك
تدري اني احبك من غلاك لغلاك=كثر ما تعيش فيني صرت انا آآآموت فيك
مرك ان زاد عندي .. كثر الله حلاك=بعيني احضنك لو هي تعتب العين ذيك
أنت الاوحد معايه .. جعلني ما خلاك=من كثر ما انت فيني عاجز ٍ لاحتويك
ليه كل شي فيني .. لا لمحتك معاك ؟!=حسبي الله عليّ .. وحسبي الله عليك !!
كيف صبحك ضحك لي وانتثر له مساك =شلون صيفك وبردك يجتمع في يديك ؟!
ليه أشوف بعيونك رمز لأجمل هلاك =ليه أحس إن حياتي كلها براحتيك ؟!
كل جرح تسبب في نزيفه .. فداك=من غلا ( حربتيك ) مستحي لا أشتكيك؟!
في عيونك دوايه .. وبجروحي دواك=يطعن اقصاي رمحك وأولي يرتجيك
كني اشوف زولك .. وانت عني هناك=وين انا عنك .. مدري .. كيف انا بهتديك ؟!
السنين العجوله ما تزيد بعطاك=ابتلتني الليالي وارجعت تبتليك
والقصايد كثيره .. ما اوصلت بي لمداك=والحظوظ اقصرت بي ما قدرت ارتويك
با بعد كل حاضر .. غايب ٍ عن لقاك=ويابعد كل كل همسه ما تجي بشفتيك
أذكرك ليه ؟ مدري .. يقطع الله جفاك=بنفس موعدنا الأول .. ليه أجي واحتريك ؟!
يا مطـوّل عليّه .. آآآآخرتها .. معاك=حسبي الله عليّ .. وحسبي الله عليك ؟!
ودمتم بصحه وعافيه
وريث الشعر،،، [/poem]
رد مع اقتباس
المشاركة الأصلية كتبت بواسطة شقـــاوي
المفضلات