عـــذراً لذائقتكم الشعريـــه
وسّعوا لي ياجماعه وافسحـوا لـي فالمجـال
داخلـي نـار القصيـده يشتـعـل طاروقـهـا
والله انـى مـا بـلاي الا طموحـي للطّـوال
والنجـوم العاليـه تغـري بلَـمـع ابروقـهـا
البلا يوم الحجاز يهيـم فـى روض الشمـال
والبـلا يـوم الشمـال تغيـب عـن معشوقهـا
خايفٍ من زود حبـه تنقشـع عنـه الجبـال
ثم ينـزح مـن وطـاه ويرتعـي مـع نوقهـا
وخايف يابحر جـده تركـب امـواج الرمـال
من حنينـك للحبيبـه .. والحيـا .. ونفودهـا
تزدحم فيـك المشاعـر والوسـاوس والهبـال
ول ّ يانـار الغـرام الّـي تـزيـد احروقـهـا
والله انه مـن حَمولـه بيـن عمّـان وخَـوال
واليديـن الطايـلـه لاشــك دون احلوقـهـا
حالـف ٍلاغلـي ثمنهـا بالدراهـم والـريـال
والبكـار الوضـح. لجلـه ..حالـفٍ لاسوقهـا
وحالفٍ مااكويك ياغتـره ولا احـط العقـال
قبل نور العيـن يرضـى .. ماتضلـي فوقهـا
وحالفٍ ياهيل ما تطبخ علـى صفـر الـدلال
وقبل شوف اللى هويته ..حالـفٍ مـا اذوقهـا
اصعدي فوق السحابه وامطرينـى بالوصـال
واسرحي ثـم امرحـي ثـم احسنـي منطوقهـا
وابرقي ثم ارعدي ها ثمّ قولـي لـي: تعـاال
والله اني فـى حَـرَاك الرجـل قمـت أتوقهـا
علموا ست الحلا سـت الغـلا سـت الـدلال
بنت من يَشري المَراجـل يـوم يَغـلا سُوقهـا
علومها فهموهـاا كـان مـا نسيـت طـلال
كان باقي فالعيـون هنـااااك فـأعلـى موقهـا
انشدوا ثم انشدوا ..زيدوا ..و الحّوا فالسـؤال
. يمكن تعرفون شمسي ويـن غـاب شروقهـا
وعلموا الشاعر (........ ) وعلموا كل الرجال
وعلمـوا قـوم القصيـد اللـي رفيـع ٍ ذَوقهـا
وعلموا ( ....... ) وغيره من صناد يد العيال
وعلموا (....... ) وكل اللى يعَـرفّ طروقهـا
واتحفونا بالقصايـد وافتحـوا بـاب الخيـال
وارّووا احـروف الكتابـه بالحبـر فاعروقهـا
مابقـى فيهـا ركـاده لانقـاش ولاجــدال
واشبعوا جوع المعانـى مـن نخيـل اعذوقهـا
للشـــاعر طلال العتيبـــي
اماااندا
رد مع اقتباس
المفضلات