أحسن طريقة لصيد الهكر

**د. عبدالله بن دهيم** · 10-05-2006 16:47

احسن طريقه لصيد الهكر
****************

مراحب

نصيحه مني وطريقه جيده عشان الهكر لا يدخل جهازك .....

وان شاء الله تستفيدوا منها بس ركزّوا معاي الله يعافيكم

--------------------------------------------------------------------

احدث طريقه لصيد الهكر وخنقوه من حلتسوه ورميوه

مع الطاقه

<<<<< كوكتيل لهجات

(الطاقه = الدريشة = الشباك = النافذة) <<< هذي ترجمه فورية

قبل كل حاجة

.....حط الخلفية كتم(سوداء) ولا عليك من المرور وما جاك عندي

..يعني الأيقونات والمستندات والبرامج كل أمها بلاك (يعني سوداء) .....

ودّس شريط المهام والإختصار...(مخفي يعني).......ليش ..؟؟

عشان لو متطفل خش على كمبيوترك راح يشوف الشاشة سوداء

........يحسبه مقفل...!!

بس لو حرك الماوس في جهة شريط المهام راح تنكشف الطبخة.....

وتخرب الدعوة.....

في هذي الحالة إيش تسوي؟؟

تسوي مستند جديد اسمه (سري)

وتحطه في

(My Documents)

المستندات للي ما يفهم فرنسي ولا درس بإيطاليا

عشانه منطقة تجسس المخترقين (لأنها خصوصية)

والملقوف (الهاكر) هو صدق شاف كلمة سري..

راح يخش عليه وهو ماسحن طبلونه،

وأنت بدورك تجي من وراه وتقوم تقفل الملف عليه..

كخخخخ..

وبكذا حجزت واحد..

وبتشوف الملف يناقز إذا حسيت إنه بيطلع منه... .وش تسوي؟؟؟؟؟

تأخذ البطانيه وتغطي الشاشة .......

وإذا دغدغك..

دخل كل أبو الشاشة في خيشة (حق رز أبو شماغ أو أبو سيفين أيهما أقرب)

وأخذ شطة تباسكو مع (الريد الإصفر) أبو خط أحمر لأنه أحسن مافي السوق ويستحسن يكون بودره .....

وبخها به ومع الشطة (أحلى طبخه) وأحزم عليها وراح يخنتق ويموت ....

وإذا ما هجد (لأنه هاكر ماهو حشرة)........ايش تسوي؟؟

خذ الخيشه وروح الحمام وغطسها بالمغطس .....

وطلعوه وغطسوه..

وطلعوه وغطسوه..

وطلعوه وغطسوه..

(عذبه يعني)......

ليمن يتف العافية ويبتدي يقطّع

وإذا مانفع.........

هذا آخر حل؟؟

امسك الخيشه واسحبها لتحت ودخلها بدرام الشارع ...

مع حبل مربوط بشاصي الونيت ....

واسحبه ةنطّل به بالشوارع

وهاذي عاقبة المخترقين

وسلامتكم

----

يا الربع لا تشرهون علينا ترى السالفة وما فيها فلة حجاج

**الفاضي** · 10-05-2006 16:54

8
8
8
8
ههههههههههههههههه

الله يقطع بليسك
عزالله خوش حشره

الله والعالم انك ما نمت زين

تحياتي

**أبو فهد** · 10-05-2006 17:09

احسنت يابن دهيم

والله كلام هالطريقة لصيد الجرابيع و الضبان

مشالله بس ما علمتنا بعد ما نصيده وش نسوي به نرسله و لا نحمله على ايميل المضايف

الله يرجك يا بن دهيم

الف مليون شكر على هالطريقة النموذجية

-------------
تحياتي
ابو رشيد

**د. عبدالله بن دهيم** · 11-05-2006 10:58

الفاضي

هذا شي نتسلى به وبنفس الوقت ننظف كمبيوتراتنا من ذا الحشراي.

-----

شقردي

بعد ما تصيدوه وتسوي بوه السوات اللي شرحناها بالعليّه (يعني فوق) تضغطة باستخدام أحد البرامج المتوفرة لديك ثم ترفع به، عفواً أقصد ترفعه للمضارب عشان يصير عبرة لمن لم يعتبر

**المطنوخ** · 11-05-2006 11:38

طيب هالطريقه تنفع للكمبيوترات العاديه ولا اللابو توب؟؟<---ليس أقل تحشيشا

ابودهيم
اما انا الهكرزين حقيني حبيبين يقولون ابد ياخو طنخه انت رح وسرهد ودوهج لو تبي بعد تمرخ بفكس ابد سو اللي يجوز لك ماحنا متعرضينك بس نبي نتفرج
عاد من كثر ماجلسنا مع بعض صارت ميانه لدرجة اننا زوجنا حدى الهكرزين بأخت واحد منهم

**سنين** · 11-05-2006 16:48

هههههههههه

وانا تراني مصدقه لين جت سالفه الخيشه .. يعني التعتيمه والملف السري كنت مندمجه وقاعده احفظ الخطوات ...

الله يسعدك

سنين

**سرحــان** · 12-05-2006 03:30

ههههههههههههههههههههه

عدي اشوفهم ثنوينن بهذا

يبون يرثعون بكميوتراتهم

الي يسحبه على الرصيف

وييق عليه تطلع اطلع احسلك

والي يبي يعلقه بله جرف

ويدسابله ويقول اطلع ويمسجره بالشوحط

لا بعد انا والله وراك وراك

تسلم والله يالغالي وكل ماهذا مر الفله

تحياتي

**الجنآزة** · 12-05-2006 15:29

هههههههههههههههههههه

وانا مصدق اقراء ههههههههههههه الله يهدآإك

لاهنت

**د. عبدالله بن دهيم** · 13-05-2006 17:31

المطنوخ

اعجبتن كثير قولتك الهكرزين وش رأيك نضيف لهم الهكرزات بعد عشان تكمل الطبخة وما يصير فيه تفرقة؟

------

سنين

وإياكم وترى بعض أفكار التحشيش تنفع اختراعات العصر أو حتى المغرب

---------

سرحان

أبشر ولا يهمك وهذي: