بسم الله الرحمن الرحيم
الإخوه الأعزاء في مضايف شمر المجيدة ..
ادرج لكم قصيدة للأخ العزيز الشاعر/ فهيد بن محمد الجفال الشمري
آملاً أن تلقى استحسانكم وأن تجدوا فيها فائدة وعظة .
[poem=font="Simplified Arabic,4,green,bold,normal" bkcolor="white" bkimage="" border="none,medium,gray" type=4 line=0 align=center use=ex num="0,black"]
يالعبد راقب واحدن مايخليك ... والرزق عند اللي عزيزن جلاله
اللي من المعدوم بأمره مسويك ... الخالق اللي كل حي(ن) يساله
وحافظ على خمس الفرايض وينجيك ... وروحك مع الخلاق متّن حباله
ولاتامن الدنيا ولو غررة فيك ... ولو اقبلت يومن تحرى زواله
وليا بغيت تعرب النسل خذ ذيك ... بنت الشجاع اللي رخيص حلاله
يظهر ولدها مثل جده ويشفيك ... قرمن بحومات الوغى يلتجاله
وابعد عن النمام حذرا يماشيك ... تر رفقت الأنذال مابه شكاله
واترك صديق السوء باله يخاويك ... تراه ماينفعك في كل حاله
ورافق شجاعن مايبيح بخافيك ... الطيب اللي يحتمل كل قاله
اللي لياضاقت عليك المساليك ... مدباس ظلماء من نوادر عياله
ويزعل على شانك ويكره معاديك ... وياطاء عدوك غصب وطي النعاله
واللي لياشاف الخلل مايقاصيك ... ولو شاف زلاتك فلحدن دراله
وانجاك ضيفن من بعيدن وناصيك ... اكرم سباله ياكريم السباله
يظهر صديقن من بعيدن ويغليك ... ويشفق على وصلك وتغلي وصاله
ومن ربعك الأدنين خبلن يعاديك ... ولو تكرمه قام يتزايد هباله
يخطي ويظلم ويتمادى ويوذيك ... عفنن خبيث مايعرف الجماله
ابعد عنه يالقرم واللاش يفديك ... تر قربت الجاهل تزيدك جهاله
قال الشريف الحر مايصحب الديك ... ومن صاحب الأدياك يصبح مثاله
وبن سعيّد قال وان جت طواريك ... يفرح بفعل الطيب ياجا مجاله
وصلو عدد من قال بالبيت لبيك ... على النبي اعداد مطر خياله[/poem]
**********************************************
رد مع اقتباس
المفضلات