الـجـرح // والـهـم // والـتعـب
رواد وشعار منتدى مضايف شمر
اسعد الله اوقاتكم بكل خير
يسعدني انضمامي لكم بين همس القوافي
وبما تجودون به من اشعار رائعة ومن هنا
احب اطرح اليكم قصيدتي هذه
واتمنى من الله ان تنال رضاكم وحسن ذائقتكم
.
.
.
[poem=font="Courier New,5,white,bold,italic" bkcolor="transparent" bkimage="" border="groove,medium,white" type=2 line=0 align=center use=ex num="0,black"]
يعني من قل المصايـب صـاب هـذا الصـدر ضيـق=والا يعني من الحظـوظ الزينـة ورفـع المكانـه
ذي حياتي من مضيـقٍ ..فـي مضيـقٍ.. فـي مضيـق=ولو بحثت الصبر فيني.. مـا اجـد للصبـر خانـه
عادتي لا ضقـت ادوّر (حضـن وعيـون) الرفيـق=مشكله .. لا صار ضيقي منه واحزانـي عشانـه
يوم قال: (اسمح لي بارجع) وانت كمّل هالطريق=لازم تقـدّر.. وتنسـى.. وننتهـي كـلٍ وشانـه
قلت: صبرك (يرحـم الله والديـك) ..مـا اطيـق=ماني ناقص فوق جرح اقدارنا.. جرح الخيانـه
حاجتـي لـك حاجـة الايتـام وايديـن الغريـق=طالبك طلبه تراني اعشقـك: (صـون الامانـه)
وراح وماكنـه سمعنـي والتفـت لفـتـة طلـيـق=وقال: اخيراً ما بغينا.. ثم غنّى (ليل دانـه)
عندهـا أدركـت فعـلاً ..قيمـة الحـب العتيـق=وقلت: هـذي آخرتهـا.. مـا تجـاوزت امتحانـه
ضيق صدر وجـرح قلـب ودمـع عيـن ونشـف ريـق=هذا كل اللـي جنـاه الشاطـر بآخـر زمانـه
مدري كن الحزن فينـي شـاف لـه نِعـم الصديـق=مدري يمكـن كنـت فعـلاً كفـو للحـزن وتكانـه
والفرح كالثـوب لكـن لبْستـه لـي مـا تليـق=دام لبسـه لاي خاسـر مـا وراه الا الإهـانـه
آه ياحزنـي ترفّـق.. صاحبـك جـرحـه عمـيـق=اشهد انك.. يا رفيق العمـر طيّحـت الميانـه
مثلي مثل اللي يراهن كل خلـق الله.. بعشيـق=والبلا.. راهن ويـدري خاسـرٍ عشقـه ورهانـه
ويعني من قل الخسايـر صـاب ذاك الشـاب ضيـق=يكفي لا هالوقت وقته... ولا مكانه هو مكانه[/poem]
وســلامــتــكــم
ولـــ الــعــز ـــد
رد مع اقتباس
المشاركة الأصلية كتبت بواسطة بتول آل علي
المفضلات