السلام عليكم ورحمة الله
.
.
.
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
مريت دارك..ياريش العين..مرار=ابي اعتذر...يمكن حصل يوم تقصير
ابي اعتذر...وابدي صريحات الاعذار=مادري..عسى..يمكن تفيد المعاذير
ابي اعتذر...عن غيبتي...حكم الاقدار=ماهو بيدي...لاشك حكم المقادير
جيتك وانا من قاسي الوقت محتار=عسى لنا..ياكامل الزين...تبرير
الدار دار...وعقبكم مابها دار=اضحى جنابه....مايسر المسايير
شفت المنازل مابها كود الاطيار=يضرب شبابيكه...عصيف المعاصير
النزل خالي...ياريش العين وش صار=نبي لنا..يامنوة الروح تفسير
ماحدٍ سكنها عقبكم...وانطفت نار=ومن عقب زولك مابها ايات تنوير
هليت دمعي ياريش العين مدرار=يمكن حصل من جانبي اليوم تأخير
ابكي على اطلال المنازل والاسوار=وابكي على دربٍ مشيته مشاوير
غيري يشوفه بس...سيسان..وجدار=وانا اشوفه ياريش العين تذكير
تبقى لنا في باقي العمر تذكار=والامر بالله...هو حسين التدابير
عسى لنا في داير العام...مسيار=واشوف زولك ياحياتي ...على خير[/poem]
رد مع اقتباس
المفضلات