السلام عليكم
وصلتن هالرسالة من أبن عم ونسيب لي يقول فيها:
[poem=font="Simplified Arabic,5,white,normal,normal" bkcolor="transparent" bkimage="backgrounds/10.gif" border="solid,medium,gray" type=2 line=1 align=center use=ex num="0,black"]
لا يا ابن عمي حشا ما شفت انا بِرَّه=بر الله اعلم اذا يوصله لجناني
بالسوق شفته معه باغات وآصِّرَّه=بالهون يدرج ورى مدعوج الاعياني
والورع لاصاح قبل امه هو يزرَّّه=ويقول له عنك الا يا بعد جداني[/poem]
الرسالة مثل ما تشوفون تنقط براءة وهو مقصوده يحرض علي بعض هالشيبان الي ما يعرفون الإتيكيت ولا يعترفون بالتعاون البناء بين الزوجين
انا رديت عليه أكشف ألاعيبه بنوع من التحدي بأن يعرس كانه صادق واني راح أسوي مثله وأعرس ولا انه يتعوذ من الشيطان ولا عاد يحرض علي<<تسني ذليت
أقول:
[poem=font="Simplified Arabic,5,white,normal,normal" bkcolor="transparent" bkimage="backgrounds/10.gif" border="solid,medium,gray" type=2 line=1 align=center use=ex num="0,black"]
الله اكبر على الغاويني بشره=الي من بد خلق الله تبلاني
فارس مجالس وراكب له على شمرَّه=من مربط الشهب برقا صمع الاذاني
أوخذ يا ماخوذ يا مغيرٍ على الغِرّه=كنت احسب انك صديق أثرك قوماني
تقول خيَتك* في مامن من الضرَّّه=وتمدحني في برها هيه وورعاني
مدحٍ عن الدرب الأبيض أنته تفرّه=بالمطرنه تثير لك عجزٍ وشيباني
والبر جاني منك وأنا اتبع الجرّه=جرة وليد العمام الغالي الداني
وانا ما أنكر انه انه الدرّه=وانها لها في خفوقي عالي الشاني
مار اجزم وانا بردع الحره بله حرّه=مهي سواليف عند فلان وفلاني
لو كان غيره بجنبه ما تجي ذرّه=ابي آخذ الثانيه وأخيه الجاني
الا ان تعوذ من الشيطان اخو مرّه=وسحب كلامه وعود مثل ما كاني[/poem]
* المره أخته
ادعوا لي اني ما اتوهق بهالتحدي
رد مع اقتباس
المفضلات