أستوقف الذكرى

[رشيد العمير]

هذة القصيدة لها شيء من الخصوصية
ولم تنشر من قبل
يشرفني أن تكون مضايف شمر هي الميدان الأول لهذة القصيدة

أرجو أن تنال إعجابكم

[poem=font="Simplified Arabic,5,black,normal,normal" bkcolor="transparent" bkimage="backgrounds/17.gif" border="double,medium,darkred" type=4 line=0 align=center use=ex num="0,black"]
ضحكت من همي وبكيت الابيات= ومن همها ضحكت شيطان شعري
يسج بي فكري وللفكر سجات= في بحرها غرقان هاجوس فكري
أجمل سنين العمر مرت بلحظات=ودي يعود الوقت والوقت يجري
أستوقف الذكرى وللقلب جظات= لولا الحنايا طار من وسط صدري
وعيدها مرة ومرة ومرات= أخاف إذا خليتها أتروح بدري
وليا مضت ذكراي هليت عبرات= عبرت فرح ولا حزن لاشك مدري
ويمر بي عقبه من الصمت لحظات= كني أوصي النفس لاحد يدري
عشت الأمل با لحلم وللحلم رجعات = خليتها في قاسي الوقت عذري
عمري قضى مابين روحه وجيات = وقاسي الزمن ذقناه من كاس مري
والساق متعبها برقي الطويلات = بظلم سواد الليل ماهيه بدري
أشره على الطولت وكسب الجميلات= ولاعاقني بالوقت تحسير فقري
كم واحدٍ ذكره مع الناس مامات = وهو ميتٍ مدفون في وسط قبري
وكم واحدٍ يحسب بعداد الاموات= وهو عايشٍ موجود والناس تدري
يكفي عتب يكفي من العمر مافات= ضاق الظهر بجروح طعنات غدري
ليا حمام الورق غني بالاصوات = هزي غصون الشوق بشجار شعري
خلي بنات الفكر ترقص بالابيات= وتنثر من الوجدان فوحات عطري
وليامال بي وقتي وللوقت ميلات=غير القلم والبوك ماشاف شعري[/poem]

الشاعر سديد الراي

[سيف الدولة]

رشيد العمير طال عمرك


كم واحدٍ ذكره مع النـاس مامـات وهو ميتٍ مدفون في وسـط قبـري
وكم واحدٍ يحسب بعـداد الامـوات وهو عايشٍ موجود والنـاس تـدري
يكفي عتب يكفي من العمر مافـات ضاق الظهر بجروح طعنات غدري
ليا حمام الورق غنـي بالاصـوات هزي غصون الشوق بشجار شعري
خلي بنات الفكر ترقـص بالابيـات وتنثر من الوجدان فوحات عطـري
وليامال بي وقتي وللوقـت ميـلات غير القلم والبوك ماشـاف شعـري





ابيات متعوب عليها قافيه ...وحرف..... وحكمه



معتازين والله مثل هذه الابيات دائما







سيف الدولة

[ابو خليف]

رشد العمير

صح لساااااااااااااانك مليون ومايكون

ابداع x ابداع
ليس مستغرب عليك

تسلم الانامل التي رسمة لنا هذه اللوحه الشعريه الرائعه
ويسلم الفكر الذي صاغها

لاتحرمنا من ابداعك ولاهنت

[شام]

[poem=font="Simplified Arabic,4,black,bold,normal" bkcolor="transparent" bkimage="backgrounds/19.gif" border="none,medium,gray" type=4 line=0 align=center use=ex num="0,black"]
عشت الأمل با لحلم وللحلم رجعات=خليتها في قاسـي الوقـت عـذري
عمري قضى مابين روحه وجيـات=وقاسي الزمن ذقناه من كاس مـري
والساق متعبهـا برقـي الطويـلات=بظلم سـواد الليـل ماهيـه بـدري [/poem]
صورة شعرية راقية ..

صورة ناطقة بنجوى داخلية إنسانية

صح لسانك أخونا رشيد ..

مبدع بحق ..

[عبدالله الجعيثن]

[poem=font="Simplified Arabic,5,skyblue,bold,normal" bkcolor="black" bkimage="" border="none,medium,gray" type=2 line=0 align=center use=ex num="0,black"]
لايا حمام الورق غنـي بالاصـوات = هزي غصون الشوق بشجار شعري
خلي بنات الفكر ترقـص بالابيـات = وتنثر من الوجدان فوحات عطـري [/poem]

رشيد العمير

صح لسانك

جزله ومعبره

[مخـــ الذيــب ــــاو]

رشد العمير

صح لساااااااااااااانك مليون ومايكو,وووووووووووووووووون

[رشيد العمير]

سيف الدوله

يعطيك العافيه


وشكراً على ما كتبت

وابشرك الساحة مليانه بمن لديه ملكه شعرية وقلم مبدع


دمت بود

[رشيد العمير]

أبو خليف

صح بدنك يالغالي

شهادة أعتز بها من شخص مثلك

تشرفت بمرورك


تقبل تحياتي ..........
ودمت بود

[رشيد العمير]

الأخت / إيمان

صح بدنك


مشكوره على أحساسك
وكلامك الطيب

شهاده أعتز بها

دمتي بود

[رشيد العمير]

الأخ / عبدالله





صح بدنك




مرورك أعطى القصيدة رونق آخر




تشرفت بمرورك


ودمت بود