السلام عليكم
********************
بالخير ياأيها اللي بهذا
بالخير يا أيتها اللواتي بهذا ( خاص بـ نون النسوه )
كما أعتذر عن عدم الرد على مشاركاتكم القيمه في موضوع / افزعو لي يالنشاما
وذلك لسببين :
الأول : الجهاز عندي بوه بلا .. ولاأشبك ألا بالعمل لوقت قصييييير جداً
الثاني : الوجع اللي كنت أعانيه وأكابده جرّاء ألم الضرس
*******************
بادئ ذي بدئ
أشكر كل من نشد عني
سواء .. هاتفياً أو مسنجرياً أو فاكسياً أو إكلينيكياً
وأشكر كل من شجعني وآزرني وشد من أزري لتعدي محنة الضرس
واللي كز لي رساله خاصه سطر واحد .. ماقصرت
وأقول للجميع :
مشكووووووووووووورين
ومشكورووووون ( هذي للأدب العربي .. مرفوعه بالواو ) :480r:
الحقيقه ياشباب وياشبابات مدري شقول لكم
يالربع مامثل نعمه الصحه
تخبرون قبل تسم يوم .. يوم أنا أتشكى من وجع ضرسي
عساو مايلفي على الصديدز ( تسمع ياطنخان ) الصديدز
يوم قريت ردودكم وتشجيعكم .. ونا لك أتفشل
قلت .. أفا يابو ثوب ..
أفا والله أفا
الحين إنت الأصيل على سن وضرس ورمح
تخاف من دختور السنون !!!!!!!!!!!
إنت اللي لك صولات وجولات بالمضايف !!
إنت اللي ياما دخلت المحاوره ورثعو بك
وياما هجمت على الأدب العربي وغسلو شراعك
وياما وياما دخلت على الشعر الشعبي وعظيت القاع
.
.
مالكم بالطويله والعريضه ( وش لنا ببنات الحمايل )
وهي لك تجيني الشجاعه الفلكلورية
وهو يجيني شعور سمبثاوي لافلزّي
ونا أخمش المفتاح
على الكامري
دي ( حطيت الموتر بنمره .. شرح للعجز اللي مايعرفن يسوقن )
وأنا أحط رجلي
وعلى المستوصف ( ق 7 )
وين دختور السنون ؟
قال الموظف : فوق
وانا أرقى الدرج بسرررررعه
لقيت موظف
قلت ..عطن رقم
وهي يعطيني رقم 8
المهم
جلست باستراحة الرجال
أسولف مع الشيبان
ونا أبي التسفته على الدختور
طلع رقم
1
2
3
4
5
6
7
ياجماعة الخير
وياخيرت الجماعه
ياعيال الحلال
ويا حلال العياله
والهرج للجميع ...
يوم قرب رقمي
وهو يجيني بلا
أحس بشي يتحرك من عرقوبي إلى كراعي مروراً بركبّي
وهو ياقف بركبي ... رععععععشه
وحسيت إن قلبي وقع وصار حدر التسلوه اليمنى
قام يتخيل لي الدكتور فيد المشرحه
وجاني الوجع قبل لاأحد يلمس ضرسي
ونا أقوم لاإرادياً ..
أبي الباب
وينك يالدرج
وينتس يالكامري
يابوثوووووووب ... صدق الشاعر اللي قال :
أهلك لاتهلك
وهاأنا ذا ...
لازلت أإن ( حلوه أإن .. من الأنين .. أنّ يئن أنياناً فهو وجعان )
ولازلت تحت وطأة المرض ووجع الضرس
وعندها أيقنت وعلمت وتأكدت إنوه ...
مابي طب
قلت عاد بهالمناسبة :
لاواهني اللي ضروسه صحيحه = مايوجعنه الليل والنهار وكل شوين يهيضن عليه ولاينام مثل الناس
هذا البيت على بحر خاص يسمى : بحر القطار
بمان الله ..
بمان الكريم
رد مع اقتباس
المفضلات