مطلوب فيصل اللويش WANTED

[السالمي]

الاخوان رواد المحاورة

السلام عليكم ورحمة الله وبركاته وبعد :

لقد انقطعت لفترة طويلة جدا عن مضايف شمر وخاصة مضيف المحاورة واتوقع ان الكثير الان من روادها لا يعرفني
لذا سوف اطلب الشاعر الكبير فيصل اللويش الذي اتوقع انه لم تمح الايام اسمي من ذاكرته فقد سبق وان لعب معي وهذا اعتبره تواضع منه ووسام لي

سلام ياشمر خلف حاتم الطاي
قبيلة ماهي تهاب المنايا

قولوا لفيصل ياقف اشوي واياي
هو راعي الوقفات نسل الطنايا

[فـارس الحـرف]

ياهلا يالسالمى شرفت ولا كلفت محلك وسعدنى شوفتك وتواجدك يالغالى

وبنتظار شاعرنا الكبير فيصل اللويش

[السالمي]

اخوي بدر
الف شكر على المرور وتسلم

[عبدالعزيز]

ياهلابك والله وغلا يالعزوة .. بإنتظاره وترن بصفك

[السالمي]

الاخ / عبد العزيز
تحيا وتدوم يالغالي وحضورك شرف لنا

[السالمي]

[frame="2 50"]فيصل توخر هقوتي ماهو بجاي

عذره معه والله عليم الخفايا


ومن الطنايا ودنا نسمع الراي


عن غيبة اللي له تساق المطايا[/frame]

[قمرهم كلهم]

هلابك يالسالمي

وننتظر جديدك


وأيضا نطالب بشاعرنا العملاق(فيصل اللويش)


تحياتي لك..قمرهم كلهم

[السالمي]

قمرهم كلهم

الف الف شكر على المرور

[فيصل اللويش]

هلا وغلا بالسالمي

وربي لك وحشه

واسمك ماينسي يالغالي

وابشر بعزك يالعزوه




[poem=font="MS Sans Serif,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]

جيتك وجبت البن والهيل والشاي =للسالمي شلت الشعر والهدايا

من اقصاي جيت اليوم والله من اقصاي =شايل جروحٍ للقمر في حشايا

ياما عطيت ولاعطى من عطاياي =وياما انتظرت ولانفعني بكايا

دام القمر عاف انكساره على الماي =قررت اببعد وارتكن بالزوايا[/poem]




فيصل اللويش

[السالمي]

الاخ الغالي الشاعر فيصل اللويش

الله يحييك وغلاك يزيد ماينقص ولو طال انقطاعي عن المظايف



[frame="5 50"]
قهيت لكن اخلف الله هقواي
و جابك اشمام وجيت لي بالعطايا

غلاك يرجح لا وزن بالمجراي
ومسكانك بوسط الضلوع الحنايا

وانته مع العالم لكن الفكر ناي
والعشق سوا بك يافيصل سوايا

العشق ما يرحم هل الفقر والهاي
له سم ٍ اقوي من سموم الحيايا[/frame]