وإن كان عندك شك طالع لماطاك ..أقدام رجلي يشبهن لمواطيك ... أقصر خطى رجلي على قدر

[الخطوط]

وإن كان عندك شك طالع لماطاك ..أقدام رجلي يشبهن لمواطيك ... أقصر خطى رجلي على قدر ممشاك .. أقصر خطى رجلي عشان اباريك.......
........سؤال لمن لدية جواب لمن هذة الرائعة

[مشــــعل]

هذي للشاعر ابراهيم بن رديعان
بولدوه عرفان

[poem=font="Simplified Arabic,4,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يالله ياللي يسجد الكل لرضاك =الدايم الله دون ريب(ن) وتشكيك
أنت المعين وخاب منهو تناساك =نشكرك ولا نحصي فضايل حسانيك
أرفع يديني بالخفا وا ترجاك =منك المدد لا ضيقن المساليك
إفرج لقلب(ن) كن به كهرب أسلاك =لو سج ساعه عاودنه دواكيك
يموجبي كنه بقبات الأدراك =ويشبه لطير(ن) لولسته الشوابيك
وقتي صعيب وناظري دوم سفاك =لا تسئلن طالع لوجهي ويكفيك
وا عيني اللي كن به طفو تنباك =اللي اليا جاء وسط عينك يواذيك
دن القلم ياذيب وصفحات الأبواك =وأسئل وأنا لك أحضر الفكر وأمليك
عرفان مندوبي بخطي تنصاك =شعور منهو مخلص(ن) لك ويغليك
عرفان وا وجدي على قرب لاماك =يدق قلبي مثل روس السنابيك
وجدالسجين اللي اسجن خلف شباك =بابه حديد وغلقن الشبابيك
في ديرة(ن) لغواتهم مثل الأتراك =مامن صديق ولا رفيق(ن) يحاكيك
عرفان وا قلبي شكى حر فرقاك =عرفان لا تنسى خوي(ن) مخاويك
وكم مرة(ن) للبر ناديت وياك =بالبر بفراشي عن البرد أغطيك
وكان عندك شك طالع لماطاك =أقدام رجلي يشبهن لمواطيك
وأقصر اخطى رجلي على قدر ممشاك =أقصر اخطى رجلي علشان أباريك
وكم مرة(ن) تطلب وأنا أقولك هاك =ناخذ على الراتب لزومك ونعطيك
وكم مرة(ن) قايست رجلك على حذاك =وكنادر الكوره على قياس رجليك
عرفان لاتنسى زمان(ن) تعداك =يوم أنت فوق المتن لاصحت أراضيك
أسهر اليا قالولي النوم ماجاك =واليا رقدت أحلم وبالأسم أناديك
وأراجع الدكتور وأخذ لك دواك =أخذ قياس الملعقه منه وأعطيك
وأشري لك المطلوب وأدور أرضاك =وأخذ من الدكان شكليت مع كيك
وكم مرة(ن) حبيت خشمك وعلباك =واليا ضحكت أضحك ويبكين مبكيك
وكم ليلة(ن) نضفي على جسمك أغطاك =خدام لك مثل العبيد المماليك
هذا كلام اللي سهر لجل يرعاك =لفتت نظر وأطلب عسى الله يخليك
وكان الشعور اللي كتبناه يخفاك =أسئل عنه خالك ترى الخال ينبيك
ولولاك ماخط القلم حرف لولاك =وعز الله أني في حياتي مساويك
ماقلتها تشهير ولا قصدي أشناك =موجز كلامي أطلب عسى الله يهديك
وصلاة ربي عد ما ينبت الراك =وعداد مانشري عروق المساويك
على الرسول اللي نفى دين الإشراك =واعداد من طاف بالحرم وقال لبيك[/poem]

[فيصل حمود]

الأخ / الخطوط

شكرا لك لسؤالك عن هذه القصيده الرائعه

الأخ العزيز / مشعل الغفيلي

أشكرك جزيل الشكر لأيراد هذه القصيده كامله وفعلا قصيده مؤثره جدا. الله لايهينك.

تحياتي

[غريب الشرقيه]

الله يعطيك الف عافيه يالغفيلي وصح لسانك ولسان شاعرها ابوعرفان

[الخطوط]

اشكرك شاعرنا مشعل الغفيلي على اراد هذة القصيدة كاملة غير منقوصة لك تحياتي واسف على ردي المتأخر لظروف خاصة

[عبدالله الأسلمي]

الخطوط يعطيك العافيه

والغفيلي الله لايهينك وتسلم يمينك

تقبل مروري يالخطوط