أخواني وأخواتي مشاركه أتمنى أن تنال على إعجابكم
[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="none,medium,gray" type=1 line=0 align=center use=ex num="0,black"]
ياجاش دام الواحد المعبود من جزلـه عطـاك=تعال قوم ألعـب تفنـن قـال أنـا كلـي إلـك
أعزف من أجمل ماتكنه وأشعل الساحه معـاك=لك باع بين أهل القوافي أشعل الليـل الحلـك
أول بدايتهـا التحيـه قلـت يسعدلـي مسـاك=ويسعد مساء الموجود واللّي كنّبه هيبـة ملـك
أكتب تفنن بالقوافـي والبيـوت العلـم جـاك=يالعنبو حيـك تباهـا دام أهـل عقـده هلـك
أهل الشهامه والوفاء في هالزمن تضوي سماك=أهلاً هـلا ياللّـه حيـه صادقـه مابـه كلـك
إيه الطنايا لابتي له في سماء المجـد إمتـلاك=حايل وعقده موطني نجمين فـي عالـي فلـك
جهزلنا اللّي تو جاء من طوكيو شوفـه هنـاك=توثاوزن فايف جديـد وكـل خـطٍ لـه سلـك
الزقّدي شافـه تعجّـب قـال ياجعلـي فـداك=صنعه لقطمان الخشوم وطوكيـو لـه تمتلـك
مجهزينٍ عزبته ومعـاك مـن أعـز خويـاك=ثـلاث شاصـاتٍ تخاوو(والنداء)ألحـق هلـك
تواقفو عقب التعب ونزلـت دلالـك ثـم مـاك=جبت الحطب وأشعلت ضوٍ يضوي الليل الدلـك
بن اليمن والهيل هنـدي وأبوشيبـه ياحـلاك=وصلحت فنجالٍ على كيفـك وينسيـك عملـك
حتى الذبيحه معلقه نصفٍ شوي ونصفٍ عشاك=وكل بدى يسأل خويـه وش جديـدك بمثلـك
أسبوع مطلاع الونس ولا القنـص هـذا وذاك=من أقصى شمال المملكه يالشاص منصاك جبلك
لأهل العلوم الغانمه يـوم أنهـا شـح وهـلاك=حاتم بذل فيها الصخاء والطيب عـادات أهلـك
ياجاش كفيت ووفيت بيضت وجه اللّي نخـاك=حققت مـاودي أقولـه قـال أنـا كلـي إلـك [/poem]
رد مع اقتباس
المفضلات