جيـــــــــرة شمّــــــــــر

[مشــــعل]

بسم الله الرحمن الرحيم

حسن الجوار من الامور اللتي حث عليها الاسلام
ومن الامور اللتي اهتمت بها العرب
فتغنت بها

ولله الحمد شمر كغيرها من القبائل اهتمت بهذه الخصله فاشتهرت بها
يقول الفليحي السليطي الشمري يوصي ابنه:

[poem=font="Simplified Arabic,4,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
اللي يحشم الجار قسمٍ من الناس=بليهان شيال الحمول الثقيله
الجار لوهو نازحٍ عنك بالساس=الزم من الداني بكل الوسيله[/poem]

وتقول الحربيه:

[poem=font="Simplified Arabic,4,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
نطيت انا المستقلي=من نايفات العداما
ليت شمر هللي =دخيلهم مايظاما[/poem]

وهناك من الشعراء الكثير اللذين ذكر جوار شمر وتوجدو عليه
من اشهر ماقيل

يقول عموش الحربي بالاسلم من شمر عندما رحلوا عنه:

[poem=font="Simplified Arabic,4,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
لا ولله الا شدوا البدر ياذياب=كلٍ تنحر دار حيٍ يودّه
تفرقوا عقب المقاطين هراب=وكلٍ حكا باللي جرى له يعدّه
اقفت ضعون اللي يفكون الانشاب=وخلوا كلاثيم الوجيه المصدّه
شدوا هل الهدلا عريبين الانساب=يامن كلٍ عد باصله وجدّه
للجار والمسكين يضفون الاسلاب=مامثلهم للجار حي نعدّه
وعن الضرر كنه على راس مرقاب=قمرا عليه بليلةٍ مجرهده
منزحه عن دارهم كل الاجناب =يوم كلٍ له عدوٍ يضدّه
خيالهم يضرب على الموت ماهاب=يفضي جموع الصم لو هي مسدّه[/poem]

ويقول رميح الخمشي بالتومان من شمر كذلك عندما رحلو عنه:

[poem=font="Simplified Arabic,4,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ياليت مايم الطويله تعنيت=اللي تعزل "جلاعده" عن "جليعيد"
هليّت فوقه عبرةٍ حين عديت=طويلةٍ تاخذ على القلب وتزيد
ماينفعن كثر المنا لو تمنيت=وعزي لمن مثلي جداه التواجيد
شفت الضعاين غلسٍ حين راعيت=مغرورقات كنهن همل الغيد
اقفو بها التومان يرعا بها هيت=يرعى بها الاشقح بليا تحاديد
ترعى بضف مرفعة كسّر البيت=تتلي مقزين الحريب المساعيد
ترعى بظل حراب كسابة الصيت=اللي على شهب النواصي مواريد
ان غربو لوقه لزور البراريت=وان جنبو لهم الضواحي مسانيد
تسقين يادار لهم كل ماجيت=غرب الهشوم وقبلةٍ من تخاديد[/poem]

ويقول ابو جري المطيري بالفضيل من عبده:

[poem=font="Simplified Arabic,4,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ياجري دن لي القلم كان تشفين=قلبي على قرب الاجاويد عاوي
هات الدواة وهات لي من يحاكين=مادام بالي للتماثيل ناوي
نقول قولٍ للشيوخ القديمين=بريك هو والعرفجي والفراوي
شدو هل المعروف ياجري مقفين=هل الرباع محرقين القهاوي
شالوا على العتلات ماهن قعادين=طوال الخطا ماهن رحايل شواوي
ياجري دوك العجل راحو مقفين=دونك سلفهم مع هكا الريع هاوي
استجنبوا ياجري مثل الشياهين=يتلون قطعان صخاف مهاوي
خيل وقطعان عليهن تقل طين=وكل افتخٍ قرمٍ شجاع صخاوي
يتلون من يصبر على العسر واللين=شيخ على عسر الليالي يلاوي[/poem]

"والقصيده اطول وسبق اننا ذكرناه هنا"

ويقول ساكر الخمشي بالطواله من الاسلم وارسله للشيخ ضاري:

[poem=font="Simplified Arabic,4,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
نطيت راس معمردٍ وقت الادماس=وعرفت رقي الرجم مابه لنا زود
لازان شوفك لازمٍ شفت الاوناس=لازم تشوف اللي ورا الجرع ابالدود
القلب مشتان يبي ناسٍ من الناس=لو سيرو بي من مشاري على سعود
وجدي على اللي طبخته مالها قياس=لاجا يقلبها على الجمر مرجود
كنه يصالي من رعايا بن حواس=صكو بها الرعيان والجو مارود
ياوي محماسٍ وياوي حماس=تحييك صفرا ماباطاريفها سود
لاولا سبيلٍ نطعسه يقعد الراس=لاطق لامنه حضب عود من عود[/poem]

وقصيدة الاحمدي بالعليان من عبده من شمر:

[poem=font="Simplified Arabic,4,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
لاواهني ياحمود من فارق الدوم = نـبي عــربـنا ... يـم اطـاريـف رمـان
ياحمـود والله ماعـليـنا بها لـوم =ماستانـس الـى وسـط نـزل العلـيان
ياحمود كني عندهم باشت الروم = ومـزودن وزنـي عـلى كـل مـيـزان
الله نـشد ياحمود عن معرفة يوم =وعشر وثمان اسنين ياحمود جيران
احمود يظهر لك صديق"ن" من القوم = ويظهر من الربـع الموالـيـن عــدوان [/poem]

"ودائماّ يااخوان عندما نطرح موضوع معين يعتبر المتصفح مفتوح للاضافات
لاننا مهما كان لايمكن ان نحصر الموضوع فنأتي بما عندنا والاخوان يكملون
والان اللي عندوه قصيده يجيبه"

هذا اللي عندنا ونبي اللي عندكم

[شموخ]

والان اللي عندوه قصيده يجيبه"

هذا اللي عندنا ونبي اللي عندكم

عندي قصيدة كتبتها قبل سنه بس أعتذر عن إيراد الابيات الاولى منها لخصوصيتها ولأني مانشرتها

بس بذكر بعض الابيات اللي فيها

من أرض الشمال اللي لها داخلي شان
أهـل الديـار المتـرفـات العـذيّـه
دار الكرم والجود على مـر الأزمـان
ديار الشجاعـه والوفـاء والحميّـه
ديـار لنـا فيهـا مواصيـل خـلان
والوصل يلـزم ينسـأل عـن خويّـه
بالمجد نذكرهـم علـى كـل ميـدان
كـن البطولـه مهديتـهـم هـديّـه
أقولهـا مـن غيـر زور"ن" وبهـتـان
مـن جـاور الشـمـري واهنـيّـه
مكتوبـة بدمـي ومـن دون عنـوان
وفيهـا معانـي غامضـات علـيّـه
أرسلتهـا ليـلـة قـمـر شعـبـان
أرسلتهـا لــك بصـافـي النـيّـه
والعـذر منـك يارفـيـع الـشـان
بالوصف تعجز الحـروف الأبجديّـه



طبعا هي كنوع من الرد على رسالة احد الأخوان من شمر ..

مشعل
يعطيك العافيه اخوي ..

تحياتي
شموخ

[مشــــعل]

الله الله الله

صح لساااااااانتس

والله بدون مجامله رائعه

شموخ مكانك بالنبطي وليس هنا

على العموم سلمتي يابنت الاجواد

ولايتمنى قرب الطيبين الا الطيب

تسلم يمينك

[سلمان النبهان]

[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="none,medium,gray" type=4 line=0 align=center use=ex num="0,black"]

تسلم يامشعل ماقصرت وموضوعك طيب وثمين
ومايجيب الطيب الا الطيب مثل الغفيلي ...

[/poem]

[مشــــعل]

ومن قال يسلم يابو سند

حياك الله

والطيّب والله هو مرورك

لاهنت يابعدحي

[الاصمعي]

"ودائماّ يااخوان عندما نطرح موضوع معين يعتبر المتصفح مفتوح للاضافات
لاننا مهما كان لايمكن ان نحصر الموضوع فنأتي بما عندنا والاخوان يكملون
والان اللي عندوه قصيده يجيبه"

هذا اللي عندنا ونبي اللي عندكم

يوم وصلت هنا كني بغيت أتراجع عن الرد لأني بصراحة ما يحضرني الآن وليس عندي وقت للكتابة ، ولكن سأحاول العودة للإضافة ان شاء الله..

مبدع جداً يا مشعل

تحياتي

[شريف روما]

تسلم والله يابوياسر على هالموضوع الطيب



وصح السانك ياشموخ








يعطيكم العافية

[خالد الشمري]

تسلم يابو ياسر والله يعطيك العافيه وعندي اضافه بسيطه ولا قصص الجيره بالنسبه لشملا لاحد ولا حصر لها


هذه شاعرة من الدهامشه من عنزه تمدح الرخيص من الزميل من سنجاره من شمر على حسن الجوار والجيره اثناء وجود الدهامشه عندهم تقول الدهمشيه:
[poem=font="Simplified Arabic,4,orange,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ردوا سلامي علـى نـواف=وسلم على جملة ربوعـه
نعمين يا نـازل الاطـراف=ويزنل على الخوف بنجوعه
(رخايصه) طيبهم ينشـاف=قصيرهـم راهيـا بوعـه
والاجنبي عندهم ما خـاف=مع حشمتـه زاد منفوعـه
وأبو الخلاوي بطيبه طاف=له رايه الطيـب مرفوعـه
قرم يقود السلف بأسـلاف=لأضعان وأضعان متبوعـه [/poem]




وهذه قصه جرت علي معتاد بن روضان الوهبي الحربي القصة ابتدات عندما تجاور معتاد بن روضان الحربي والعليان من عبده من شمر علي (اوثال) بضواحي عيون الجواء في القصيم واستمرت هذه الجيره ثمانية اشهر وهم يتساعدون ويتسامرون وعندما اقترب موسم نضوج ثمر النخيل استاذنه العليان من شمر بالرحيل والعوده الي ديارهم في جبل رمان في نواحي حائل وبعد رحيلهم تذكر معتاد جيرتهم وحبهم له وتسامرهم وقصصهم فتهيض وقال هذه الابيات يذكرهم ويذكر حسن معشرهم واخلاقهم ويذكر شيخهم معشي الذيب (مكازي ابن سعيد) وهذه بعض من ابيات القصيده :

[poem=font="Simplified Arabic,5,white,normal,normal" bkcolor="black" bkimage="" border="double,4,burlywood" type=1 line=0 align=center use=ex num="0,black"]
البارحة بالقلـب شيـبٍِ وتشييـب=والقلب من طاري التفاريق شابـي
شدوا عربنا فوق عوج المصاليب=امس الضحا شفت الرحايل اتجابي
والرجل قامت تحترف للمراقيـب=ماهو هوى الي زاهي ٍ بالثيابـي
لاولاد علـي مدلهيـن الاجانيـب=مع نزلهم كثـرة ثـلاث النوابـي
عشران للطيب ومن يشتهي الطيب=واللاش عصر الهـلالات هابـي
راحوا لغرس جدودهم بالشخانيب=يطلع ولا تفجر عليـه الجوابـي
غيدٍ بروس مشمرخات العراقيـب=غيد بروس مشمرخات الهضـابي
يامن خبر قدم بشاته علي الذيـب=عشاه يوم انحت عليـه الكلابـي
هذا كـلام ولا بهرجـي تكاذيـب=وتلقي شهودي مع مثابي جوابـي
[/poem][/]





وهذه قصه اخرى :نزل الشاعر عبدالله فراج السبيعي وأربعة بيوت من جماعته على فخذ الوريك من الجحيش من الأسلم من شمر 0فقامو في حقوقه خير قيام ، حتى أنهم يقدمونه على أنفسهم بالموارد وفيما يحتاجون اليه ، وقد جلس عبدالله ومن معه مدة سبع سنواة وهم في عشرة وصداقة ، وكانو اذا ما جاء الليل أجتمعو يتبادلون السوالف والأشعار ويتبادلون ذكر المعروف والجميل فيما بينهم ، ولكن الدنيا لا تصفو لأحد تجمع وتفرق حسب الظروف أو متطلبات حلالهم 0رجع الشاعر السبيعي الى قبيلته فتذكر جيرانه الوريك وتذكر فرقاهم وما أسدو اليه من جميل وحيث أن الطيّب لا يجحد المعروف ، فقال هذه الأبيات يخاطب ولده سعود وقد أمتلأت عيناه بالدموع :
[poem=font="Simplified Arabic,5,white,normal,normal" bkcolor="black" bkimage="" border="solid,4,burlywood" type=1 line=0 align=center use=ex num="0,black"]
البارحة سهران ما جاني نـوادي = دموع عيني فوق خـدي كثيـرة
أمضي الساعات وأعـد بعـدادي = الله ياعـلام خافـي السـريـرة
ياعل عين مابكت عقب الأجـواد = عسى العمى ياسعود يدخل نظيرة
جيراننا ياسعود ماهـم بالأوجـاد = ويـا دعـو جيرانهـم للبريـرة
قصيرهم يقعد على فراش وشـداد= وياخذ زمان وكل منهم عشيـرة
ومجالس حلـوة ووجيـه جـداد = وجيه تجـدد والمراجـل كثيـرة
ياطيبهم للجار وأنحاز للأضـداد = يفرح بهم بـوش تذيـر نشيـرة
وريكات الياركبو على الخيل وراد = وياما وقع بنحورهم من عشيـرة
ما صفح مركاضهـم بالتصـداد = مركاضهم ينطح شبـاة المغيـرة
ياوي جيران بهم ربـح وأفـواد =واقفايتـي عنهـم علينـا كبيـرة [/poem]





وهذه قصه اخرى حصلت على حربيه حينما جاورت الجعفر من عبده من شمر وكانو الجعفر مع اميرهم نهار الرزني المهم المره تذكرت جيرتهم بعد رحيلها عنهم وقالت هالقصيده :

[poem=font="Simplified Arabic,4,orange,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ياعـم عينـي بالرزانـا مشـقـاه =عيت تود النوم وهـي جـوف حيـه

أهل بيـوت (ن) بالعوالـي مبنـاه =أهـل بيـوت (ن) مالجـو بالزويـه

أرقاب أركاب أضيوفهم دوم محنّاه =ريـف النشامـا يالـفـو بعشـويـه

ولاداورو جاراتـهـم بـالـرديّـاه =أيضاً ولهـم أهـل العلـوم الرّديـه

نهـار أبـو عايـد كالبـدر حليـاه=قليـل مثـلـه بالنشـامـا حلـيـه

خمسين كبش وحايل (ن) ذبح يمناه =سمـّى عليهـن كلهـن بضحـويـه

وكم حايل (ن )للضّيف يجدع شواياه =دب الدّهـر بالنّـار تلقـى الشّويـه

ولاقاس سمن الظرف وهزه بيمنـاه =ولاقـال ذا للبيـع أحرزيـه لـيـه

معروفهـم ياعـم ماعـاد ننّـسـاه =شكران فضل الأجواد حقـن عليـه [/poem]

[ريم شمر]

مشاء الله اخوي مشعل
دائما افكارك ومواضيعك مميزه وتستحق فعلا العوده اكثر من مره

شكرا لك ومتابعين معك ,,


.
.
.

أقولهـا مـن غيـر زور"ن" وبهـتـان
مـن جـاور الشـمـري واهنـيّـه

[08]
صح لسانك ياشموخ [/08]

[الامسح]

العزيز مشعل الغفيلي / كل الشكر لما تقدمه ,,,,,ماضي جميل يجب المحافظه عليه بالمستقبل والحاضر
بالعمل على حفظه
خالص الود مني لكم