.
.
.
[poem=font="Simplified Arabic,5,skyblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
مرزمات الهم جادت بالوبل مثل السحاب = البرد منها شظايا والمطر نزف الوريد
والخفوق اللي تزلزل واعتزى بكل اضطراب = هو رعدهن من سببهن شاب بالمهد الوليد
مخلب نسور القراده كلّبت مثل الحراب = قيّدت جور وبلاده راعي الفكر السديد
والحظوظ اللي تمادى غيّها مثل السراب = بالزعامه والرياده حققت نصرٍ جديد
شفت انا ذود المنايا سايماتٍ بالهضاب = مادرن إنّا طنايا ولا لنا عنهن محيد
فيك يارب استجير وألتجي من ذا المصاب = أحتمي بك واستغيث برحمتك يوم الوعيد
جنة المولى لها من صلب ولد آدم نصاب = ولجهنّم زمرة الطاغوت من باق العبيد
المجالس هي مدارس ما تعلّم من كتاب = جلّ تعليم الممارس ثاقب النظرات حيد
والإشاره من قرارَه ما تورّدك الخراب = والخساره من يساره تسبق إيمينه بليد
والكرم راس الجساره والبخل ذِل وعذاب = والشجاعه ضبط نفسٍ من غضب قبل الحديد
القدر محتوم وإنّا من المقدّر ما نهاب = والقنط محسوم عنّا يا القنوط ابعد بعيد [/poem]
.
.
.
دايم
رد مع اقتباس
المشاركة الأصلية كتبت بواسطة سيف الدولة
المفضلات