بدينا وتوكلنا على الله ... وما خاب من توكل عليه سبحانه

[كحيلان]

بسم الله الرحمن الرحيم

السلام عليكم ورحمة الله وبركاته


الحمدلله على استقرار السوق اقفالنا فوق 17200 لمدة يومين ...

سوف يتعرض السوق لموجات جني ارباح للمضارب مفيدة جدا ً
مع اتقان اللعب مع المؤشر بنقاط الدعم والمقاومة ...

السيولة رائعه جدا ً فوق 24 مليار ... ومتوزعه على القطاعات كلها ...
وهذا يعني تكون قاع سعري ودعم قوي للسوق على 16900 و 17000

المستثمر لا خوف عليه ابدا ً باذن وسوف تعود الاسعار الي
سابق عهدها في شركات العوائد والارباح

اما المضارب فعليه متابعة نقاط الدعم والمقاومة للمؤشر
واتباع السيولة وتحركها بين القطاعات
وانتقاء الشركات للمضاربه ...




شركات لها كلمتها بالسوق وقادمه بقوة باذن الله




العقاريه ( وهل يخفى القمر عن عشاقه )

مضاربها شرس بس يعرف قيمة سهمه


الغاز ( يكفي ما فيه غيرها بالسوق )

بس مضاربها شرس من العيار الثقيل


سيسكو

(ما ادري ليه احس اني بديت اعشقها مثل صافولا )


الكابلات

ورها شي سوف تكشفه الايام


نماء

يا عيني يا عيني على من نما معها


واي استفسار عن اي شركة مستعد باللي يقدرني عليه المولى

[عذب المشاعر]

بسم الله الرحمن الرحيم

أخي / كحيلان
الله يعطيك العافية
سوقنا الحمد لله يبشر بالخير
أقفال الموشر للفترة المسائية 17200 مبشر أن شاء الله
وأمامنا نقطة مقاومة 17500 أذا عدا أن شاء الله مايردنا الا
18000

وأهم شي كما وضحت يستمر الموشر فوق 17000 بكميات تداول وسيولة عالية نتمنى ذلك
ونقول أن شاء الله تعالى

وربي يحفظك والى مزيد من التقدم والأبداع

[كحيلان]

اخي ابو روان من قال ربي يعافيه ...

شكرا ً على هذا المداخلة

التي تدل على شخص متمرس بالسوق

واشكرك على تواجدك الدائم بالمضيف ...

دمت بالف خير

[شنقل]

هلا بالعشير

يخي لاشفت لك موضوع ترد روحي

العقاريه ( وهل يخفى القمر عن عشاقه

)
ماعندنا مشكله خذيناااه
وعلى قلب مضاااربه ماني فاكه


الا ابسعلك بالله

الباص وش رايك بوه

ركبت الباص قبل شهر ولها الحين ماحولت منوه

الحمدلله رد راس مالي

اقرشوه وادخل بشين ثاااني والا اصبر عليه



كحيلاااااااااااااااان
جزاك الله كل خير



دمت عشيراااا لي

[( المسك )]

تصدق عاد ياكحيلان

ان الاسهم الي املكهاا او الي داايم اشتري فيهااا

هي اقل الاسهم ذكر بالمنتديات

بالقطاره يالله احصل لها مووضووع

احس اني مرتااح اذاا ماشفت لهاا مووضووع

بس ماادري الحين شفت العقارريه قلت شكل السهم بيووولع

على العموم بيض الله وجهك والعقاريه واسمنت العربيه ماني راايح ابيعهن غيرر دبل اذاا الله قسم

[كحيلان]

هلا بالعشير

هلا بك اكثر يالغالي

يخي لاشفت لك موضوع ترد روحي

القلوب شواهد ياابو احمد

ماعندنا مشكله خذيناااه
وعلى قلب مضاااربه ماني فاكه

دعواتي لك بالتوفيق وباذن الله بتشوف الخير

يكفي احتياطها اكثر من راس مالها

الا ابسعلك بالله

امرني امر طال عمرك

الباص وش رايك بوه

100 %

ركبت الباص قبل شهر ولها الحين ماحولت منوه

وليه تحول دام حجزك VIP

الحمدلله رد راس مالي

يستاهل الحمد والشكر الله يبشرك بالخير

اقرشوه وادخل بشين ثاااني والا اصبر عليه

تعرف انه عندي من اسعار ما تتوقعها وللحين ما فكرت ابيعه

اعرف ان هدفه بعيد

هدفه الاول 80 والثاني 100 وبعدها الله يدبرها ان شالله

كحيلاااااااااااااااان
جزاك الله كل خير

ومن قال يجزاه ربي بمثله

دمت عشيراااا لي

وتشرفني هذي العشرّه يالغالي

[المشرف العام]

/

عزّ الله انّك تجيب العلم ياكحيلان

/

لا هنت .. والله يجزاك عنّا كل خير

[كحيلان]

تصدق عاد ياكحيلان

امر ... ادل بدلوك

ان الاسهم الي املكهاا او الي داايم اشتري فيهااا

هي اقل الاسهم ذكر بالمنتديات

بالقطاره يالله احصل لها مووضووع

احس اني مرتااح اذاا ماشفت لهاا مووضووع

قاعدين يجمعون فيها ... وبعدين بيطلعون اشاعاتهم عليها ...

يعني جاي دورها قريب لا تخاف

بس ماادري الحين شفت العقارريه قلت شكل السهم بيووولع

السهم جاهز للانطلاق في اي لحظه ... وهدفه بعيد

على العموم بيض الله وجهك

ومن يقول يالغالي

والعقاريه واسمنت العربيه ماني راايح ابيعهن غيرر دبل اذاا الله قسم

قرار صائب ... وهذا هو عين العقل



دمت بخير

[كحيلان]

/

عزّ الله انّك تجيب العلم ياكحيلان

/

لا هنت .. والله يجزاك عنّا كل خير

هلا وغلا بمشرفنا ابو سلطان ...

من قال ما يهون يالغالي ... وجزاه ربي بمثله ...

وبعدين ما سوينا شي يا ابو سلطان ...

انتم تامرون امر والله يقدرنا لما فيه الخير لنا ولكم ...

دمت بالف خير