مساكم الله بالخير
المعذرة للجميع لاني غايب عنكم طول هالفتره ولكنكم موجودين بقلبي وقدركم غالي
وخوي الغالي بشير اللويش دايما يحرجني بطيبة فبناءا على طلبه اهدي لكم هذه القصيده عسى ان تنال على رضاكم
مشاعري مثل الجيوش المغيره
************** قامت تحزّم لاطرت لي طواري
كني كما قايد نوى في مسيره
************* دربه يمين ولارضا باليساري
اببدع القيفان واترك قصيره
************** وان مابدعت القاف جبت اعتذاري
انا اشهد ان الوقت ربي يديره
************* وراضي بحكم الله وهذا قراري
والعبد عند الرب يلقا مصيره
*********** في يوم يجمع فيه بايع وشاري
والناس كلن فيه عقل وبصيره
********** بس اتخالف بين واقف وساري
ياسعود هالدنيا رحا مستديره
********** ياما خذت منهو على الفعل ضاري
ياسعودلو جبت السلاح وذخيره
********** ماترجع اللي راح بطلاق ناري
ياسعود لو جبت الدموع الغزيره
********* لاما ترد القرم وان كنت داري
حيث البكا لو رد درع العشيره
********** لا كان شمر بالبكا اترد ضاري
وسلامتكم
رد مع اقتباس
المفضلات