السلام عليكم
حصل بمعامل أرامكو بالقطيف حادث تسرب غاز وتوفي اثنين من الأخوان رحمهم الله وأصيب آخرين وتعافوا والحمد لله على كل حال
ككل حادث يأتي بعض ذوي العقول الضعيفة والقلوب القاسية فيشمتون ويلومون ويتبجحون والأمور أقدار جارية واللوم لا يرجع شي والشماته ليست من شيم الرجال وكما قال الشاعر والعقيد غريب الشلاقي عندما أكثر عليه البعض من الملام:[poem=font="Simplified Arabic,5,white,normal,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
وخطو الولد يمطخ ولا لهرجه اثمان=هبيت يا هرجٍ سراب ضويله
ما ينشمت يا عيال بأمرٍ الى كان=ولا يهتدي يا كود من الله دليله
هذات الله اللي على الدرب مشان=ولا ييتلف من دون الاله حيله[/poem]
وهناك أيضاً من إستغل الحادث لمطالب لمطالبات فيها شي من الإنتهازية دون أن يراعوا مشاعر أهل وزملاء المتوفين والمصابين !!
لكل ذلك وللأخ علي بن سطم الشمري الرئيس الأعلى للمعمل والذي بذل قبل الحادث وخلاله الكثير وشهد بكفاءته وشهامته القريب والبعيد والذي حاول المسئولون الكبار تحميله المسئولية ونقله الى مكان آخر فقلب الطاولة بوجوههم واستقال ضارباً بالمنصب عرض الحائط ولا زالت استقالته مرفوضة وهو مصر عليها والخيرة خفية كما يقال!
أقول مستعيناً بالله:
[poem=font="Simplified Arabic,5,white,normal,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الحمد والشكر لله ربي الباري=مدبر الكون والعالم وما تفعلي
ولي بلوح القدر مكتوب لك جاري=تبي تلاقيه تضحك منه أو تزعلي
ما يدفع أقدار ربي كثر الأحذاري=ولا هوب معناه للأسباب ما نعملي
لكن ليا صار شي وجريت أقداري=وكل الحوادث بعلم الغيب له نجهلي
لا تقول لو صار هذا كان ما صاري=ولو ذاك سووه يمكن ذاك ما يحصلي
الأمر لا فات محدٍ فيه محتاري=كلٍ يعرف المخارج وأيضاً المدخلي
لكن وقت المصيبة تعمى الأبصاري=وتضيع الأفكار والعقَّيل به تذهلي
ولي جرى بالقطيف وأتلف أعماري=أغلى علينا من الأموال والمعملي
ماهو سببه المعدَّة أو خطا إِيداري=ولا خطا فلان ولا فلان به مهملي
العدل مطلوب لا تبالغ ولا تداري=لا للتهم والشماته كلنا بمحملي
ومن يستغل الضروف بمطلب اجباري=ذاك انتهازي بشعور الغير ما يحفلي
في غير هالوقت أطلب زي ما تاري=والأنظمة للحقوق العادلة تكفلي
أما بهالوقت فاطلب رب غفاري=يجعل جنانه لموتانا هي المدهلي
ويجبر عزا الأهل والأقراب والجاري=ويشفي مصابيننا وبأعمارهم يمهلي
ولأبن الخريصي سلام وشكر واقراري=انه نجم في سمانا بالضوى يشعلي
معه نتضامن بحال ومال وأشواري=وكل الصعايب لأجل داعيه نستسهلي
مانا من الي لا دار الريح ينداري=وعشيره الي على الكرسي فقط معتلي
لأبو سطم بأستحث الفكر بأشعاري=حيث أن الأبيات في شرواه تتجملي
الي بذل للمعالي جهد جباري=بليهان يبرك لشيل الحمل لو يثقلي
يفداه منهو عن الماجوب متواري=ما سر لوهو لأعلى منصبٍ يوصلي
ولا (علي) فيه نفخر حيل ونماري= فخر ابن عمٍ يسرك ساعة المحفلي
حصان الأطلاب نعمٍ فيه ما باري=لابارت الخيل بالميدان هو يصهلي
فرخ القطامي معرب نسل الأحراري=من طيب خاله وعمه والأهل ينهلي
من قو باسه وراسٍ كله سطاري=عاف المناصب ولا للعوج يستحملي
الله يوفقه وجعله خير ما اختاري=رايته بيضا وأسمه بالمعالي (علي)[/poem]
رد مع اقتباس
المفضلات