[poem=font="Simplified Arabic,5,sandybrown,bold,normal" bkcolor="black" bkimage="" border="none,medium,gray" type=1 line=0 align=center use=ex num="0,black"]
ألا يا جنان الخلد والقلب يمك مال= غلا والغلا يذبح مع الوقت راعيّة
ولا ألوم خفاقٍ تولع على ما قال= و منهو يلوم اللي ذكر حب غاليّة
جنان الله الواحد هي الخير والمنزال= يطيب الخيال ليا تذكرتها شويّة
إلاه ٍ يبيعه بالثمن والنبي دلال= وجبريل يبداك التحية براضيّة
ليامن تذكرته يصير الخيال هبال= خصوصا وحنا برضنا الحين طرقيّة
بدنياً تمسينا على الهم والغربال= ومع الصبح تلقى الخلق فيها شقاويّة
نروكض وراها همنا جمعة الاموال= نمني أملنا في مصالح خرافيّة
الا ياجنان الخلد ما تـنشرى بالمال= سوى اللي جعل ماله على حساب واليّه
ولا الوم من حبه إذا صال فيها وجال= علشان عين للمها تهون بريّة
علشان حور شوفها يطرب اللي نال= الا واهني من خم يالربع حوريّّّّّة
ام العيون السود والرمش لهن اظلال= تموج المشاعر بين ليله وصبحيّة
تمرآ بخدٍ يعكس الدر والخلخال= وشعر ٍ يلاعب عطرها شويه شويّة
والمبسم اللي مثل برقٍ شعق بخيال= تقول الشفايا تلفظ الفاظ سحريّة
تشدك بخصر لو تمايل بقده مال= اجل كيف نهده والبلاوي و وسطية
مدام اني مخ الساق في جلدها ماحال= تخيل معي جلسه معاها خصوصيّة
تخيل لياشفته بقصر الذهب تختال= وانته تعادل بالعدد قوة المية
بأكلك وشربك وفي جماعك ولا تهتال= تهون المعاصي ياتذكرت عـُـربيّة
في وسط الجنان تعيش بة مستريح البال= لا تمرض ولا تعرى ولا تجوع موليّة
ظلال الدواني مدها خالقه بظلال= مهو لجل شمس حطه الله شمسيّة
محالٍ تشوف الشمس والبرد فيها محال= ولا نوم فيها .. والسعاده ابديّة
عليلك سرير مرتكي تقهر العذال= عواذلك بالدنيا تزايد مكاوية
ليامن تخيرت الفواكه تجيك اشكال= ولحم طير ما تتعب بها اتجيك مشويّة
كما اللولو المنثور فيها يطوف عيال= معاهم من الفضة قوارير فضيّة
عيون بعاليها تفجر كما الشلال= مزاجه من الزنجب بنكهه خياليّة
سرايرك مرفوعة وموضوعة الفنجال= ونماريق مصفوفه و زرابي زوليـّـة
لباسك حرير اخضر ٍٍ من نفيس الشال= مع استبرق من شجرة الطوب فخريّة
على رفرفٍ خضر ٍ متكي تنول آمال= بطاينه ديباجه اجل كيف فوقيّة
بها خيمة من لولوه طولها بميال= وعرضه على مد البصر فيه مرضيّة
على أنهر الجنة يطيب الهوى والفال= عسلها ولبنها وخمرها تحت رجليّة
تسمع بسوقه رجسة الحور بالموال= وتحثو بهذا السوق ريح ٍ شماليّة
وينادي منادي أن اجيبوا ندى المتعال= وتجيك النجايب فوقها الخلق ركبيّة
وعلى الوادي الافيح هو الوعد والمنزال= ولا فيهم الادنى وكله سواسيّه
يشوفون رب امنوا فيه بيوم خال= مثل ما يشوفون القمر شوف عينيّة
بيوم المزيد اللي حوى منتهى الإجلال= ولا فيه واحد ما يحاكيه فرديّة
عسانا معاهم بامرك اليوم يافعال= تعالى إلاه الكون عن مثله وزيّة
ثباتك بهالدنيا رغم قولة القوال= تزيدك امام الله رفعة وعليّة
ترى جنة الفردوس تبغالها ابطال= ما تبغى أرجالٍ غارقه في بلاويّة
تبيله صلاة الفجر ينهض لها بالحال= وينقى ظواهر ظاهره مع خوافيّة
وصلاتي على محمد عدد طشة الهمال= وعدد ما تهب رياح شرقٍ وغربيّة
براك الفريسي الجربا[/poem]
رد مع اقتباس
المفضلات