سعاد تعمل طبيبة في احدى مستشفيات المنطقة الشرقية
متزوجة منذ خمس سنوات من فيصل الموظف في تلك المنطقة
فيصل لسعاد : من الراتب الجاي تعطيني نص المعاش!
سعاد تستاهل يابو فهد بس راح اعطيك اقل من النص
انت عارف مصاريف وامي وخالاتي واللي لي يشرهن علي!
فيصل لا لا ماراح ارضى بغير النص !
تنصاع اخيرا سعاد لمطلب زوجها فيصل!
بعد سنتين من اخذ النص!
فيصل لسعاد ترى النص اللي تعطينياه مايكفي !
ومن الشهر الجاي خلي لك الف وتعطيني الباقي !
سعاد هاذا مايصير يافيصل لا بشرع الله ولا بغيره!
فيصل ما ابي كلام زايد تعطيني يعني تعطيني!
وكثرت مطالب فيصل وبدأت دائرة المطالب تضيق ودائرة الخلافات تتسع
بين فيصل والدكتورة سعاد !
واخيرا الدكتورة سعاد معلقة في بيت اهلها منذ سنتين هي واطفالها الثلاثة!.
افنان تعمل موجهة فنية وزوجها حمد يعمل رئيس قسم بوزراة الصحة
حمد اليوم يا افنان راح نودع الوظايف ونصير من كبار تجار البلد!!
انا وياك بس ابي منك تسمعين كلامي!
افنان خير ان شاء الله؟ حمد: ابي اتضامن انا وياك وناخذ قرض من بنك(......)
بحدود خمسين الف دينار ونفتح شركة وندخل سوق الاسهم ونفتك من وظايف الحكومة!
افنان ياحمد بسك احلام وسوالف ماتنفع ! ليش اشناقصنا ؟ ترانا وظايفنا محترمة
والحمد لله عايشين احلى عيشة ويكفي اننا لا طالب ولا مطلوب !
حمد انا قلت ناخذ قرض يعني ناخذ !
افنان حمد اشفيك ينيت ؟ من اللي لاعب براسك!
ويستمر المسلسل بين حمد وافنان حتى وصل الى حلقته الاخيرة
وملخصها
افنان تطلقت من حمد والحين تسكن بشقة هي واطفالها الاربعة!.
" من لا يستطيع ان يكون ابا لا يحق له ان يتزوج "
رد مع اقتباس
المفضلات