ردّ على الشاعر سلطان الحجاج ( عندي مزيد )
.
.
.
[poem=font="MS Sans Serif,5,deeppink,normal,normal" bkcolor="black" bkimage="" border="none,medium,gray" type=2 line=1 align=center use=ex num="0,black"]
فَضّ السطور المثْـقَله بحروف جوفا ما تفيد=قصايد أهل الثرثره ( تقليد ) ( ضعف ) و ( بربِسه )
قصايد لحشو الفراغ بـ ( كفّ ) شاعرها البليد=قصايدٍ ( جربا ) و ( عرجا ) بالجمود مسوِّسه
فَضَّهْ أبملاها حروف أثقل من أطنان الحديد=ردٍّ على شاعر ( مضايف شمّر ) المتأسِّسه
حي الله الحرف النقي يوم ( النقا ) أصبح فريد=في وقت فيه أغلب حروف أهل القصايد مفّلِسه
يا ( بن المضايف ) ما كذبت ( الضيق بالأمه شديد )=الدايره ضاقت عليها والعِدا متحمِّسه
أوآه .. و الأوآه يا ( الحجاج ) تجري في الوريد=تقول له عهدٍ معي ما تنقِضه ... ما تَبْخِسه
في الألسنه ( لصْـقَتْ ) و ذا حِنَّا نردّدها و نِعيد=حتى ركِزتْ بين الضلوع و زان فيها مجّلِسه
الكلّ مشتاق يتنفس ... ينطلق من غير قيد=و الكلّ مشتاقٍ لثوب النصر وِدّه يلبِسه
( الحل ) واضح لو تعامينا ( التعامي ) ما يفيد=صوت الحقيقه لا متى فوق الشفايف نحْبِسه
ما فيه حلّ إلا نِجدّد طاقة أمتنا و نِزيد=نخطو لقدام و نِخطّط للي جاي و نَدْرِسه
إنعِدّ للأيام عِدَّتها و ننظر للبعيد=وِ نوحِّد الصف المفرق مع بعض ونأسِّسه
أنهوا حروبٍ بيننا قلب العدو منها سِعيد=فتنه إذا المسلم يشيل بوجه أخوه مسدسه
ما هو غلط نبدا من أوّل و نتحرك من جديد=كلّ الغلط يوم نتخفّى في ستور الألبِسه
يا الله نِقلِّب صفحة الماضي أكيد بنستِفيد=( الصّحْ ) ناخِذ .... و ( الخطا ) نرميه تحت و نرّمِسه
و أهم شي ( ذنوبنا ) و الذنب جيَّاب الوعيد=يكفي لكِثر ذنوبنا بيض الصِحاف مدنِّسه
الذنب ( نحس ) و ربنا ما هوب ظلّام العبيد=كم أمةٍ بذنوبها ربّك محاها واطمِسه
استغفِروا والله غفور و عالم و حيّ و مجيد=فيه استِعيذوا من ( الرَّجيم ) ابو البِدع و الوسوِسه
لابد لا من شاف صدق قلوبنا ربي يِعيد=ديباج ماضينا لجلْ تَهْنا اليدين بملّمِسه
يا ( بن المضايف ) فعلا إنْ الشعر ذا وقته و أكيد=الليل بإبداع الشعر و أهله يِضوّي حِنْدِسه
يا الشاعر أبدع واسعى لين تكون للإبداع سِيد=بس انتبه لا تاخذك عُقْبٍ دروب الغطرِسه[/poem]
رد مع اقتباس
المفضلات