.
.
.
[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
نفّس عن الخافي بهمسة تعاليل = وانثر على رمل الفيافي خضارا
لولا التسلّي بالقوافي جحافيل = همّي على نفسي يثير انفجارا
قلبي مثل بركان خامد على نيل = حوله تحوم السايمه والحبارا
فيه الخضار بظاهره والمقاييل = والنار بأركانه تزف العبارا
يسري على طرق الهوى بالتساهيل = ويمسي على جراحٍ ألمها تمارا
بين الفرح والحزن والياس تشكيل = وفيه الأمل شاره على راس قارا
الليل يا ساهر سهرنا ولا زِيل = باقي أثر لسهوم سُمر الخضارا
يطري علي بتالي الليل تخييل = في راس ضلعٍ والأفاعي تجارا
تجرس وترسل ذبذبات التفاصيل = تاطى القدم روس الأفاع احتقارا
لاهب نسناس الهوى بالمراسيل = ساعي بريدي من جوابي يغارا
ولا عنّ بالخاطر كريم التعازيل = عزّيتني فيني ألا واخسارا
واصخيت من حلو المعاني هماليل = واجزلت قافيله طرب واصطبارا
جرّعت روحي كاس مرّ العواذيل = مرّ الفراق ومرّ شيب الوقارا
ابدي على نار الحشا ضحكة سهيل = واخفي طعونٍ نزفها ما يجارا
[/poem]
.
.
.
دايم
رد مع اقتباس
المفضلات