أحبتي ../
أخوتي الشعراء والشاعرات , قرّاء وقارئات .. مضايف شمّر ..
بعد السلام عليكم ورحمة الله وبركاته , وتحيه مفعمه بــ أكآليل ورد معطره ,
لا شيء هنا سوى .. ( التحدي ) .. و التحليق خارج أسراب العاده والروتين ,
الشعر رساله ساميه , نوجهها , نسمو بها , نحلق في اكنافها , الى القلوب ..
( هي دعوة ) للأقلام بل للعقول بل للقلوب .. لكي نظهر محاسن الشعر , في زمن فيه الأمه بأمس الحاجه لكل شيء حتى الحرف ..
فهذه دعوة لكم و ( تحدي ) للجميع .. واخص بالتحدي ( الأخت الداعيه والشاعره ريوف الشمري)
لأنها في السابق أسندت علي وقمت بالرد ..
والآن آن لي أن اتحداها و اتحداكم وقبل ذلك اشحذ هممكم .. وكرمكم ..
.
.
.
[poem=font="Simplified Arabic,5,#ccccff,normal,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
يا ( الورد ).. ياقطّافته .. يا الليل .. يا الليل السهيد .. = الشعر .. و الهامه .. هنا فوّح شذاه ونرجسه
ياشعر .. يا أهل الشعر .. ياكتّاب .. ياحروف القصيد = مساكم الله بالرضا .. / والشعر أنا اسرجت فرسه
وشبيت من راس الفكر .. يأهل الشعر .. بعض الوقيد = من غير (سبق إصرار ) في بالي .. ولا قمت أدرسه
في خاطري كلمة .. و أنا قررت عنها.. ما احيد = وهاتوا لي الدله بأقند كيف راسي وعمسه
ومن بعد هذا ياشعر اطلب وقل : ( هل من مزيد ؟ ) =من شاعر شعره ضوى بالليل في عز غلسه
(يالمحترم ) , ( ياحضرة المظلوم ) , (يالظالم ) و (يالراي السديد ) = (يالديّن ) ..(الشهم, الكريم ) اللي يحب المومسه
إفتح لي أقواس الكلام و حظي من الشعر الزهيد = لكن اليا مني كتبت افتح لشعري مدرسه ..
الشعر ..( يابو الأبـــهه ).. يجمع ضديدٍ مع ضديد = ويعكس مفاهيم العقل .. (شك , ويقين , وهلوسه ) ..!
بأفتح لك أقواس الحكي / والزم حروفي لاتحيد = العلم لأجل إنه مهم ينحط بين (الأقوسه ) ..
الشعر ياكتّابته .. ايذوّب إحساس الجليد = ويسلّي نفوس البشر ..لامن بدت متعومسه
الشعر .. ( حكمه , موعظه , در ٍ من المعنى فريد ) = ماهو مثل صف الحكي.. وهروج خبل ..و مطرسه
الشعر .. لاصار الهدف منّه * غناء عبدالمجيد * = هذي هي أهداف البعض ..واهداف جداً مُفلسه ..!!؟
ياصار شعرك مازرع ..للدِّيْن ../ فأبشر بالحصيد = (لاشيء ) ..مثل اللي غرس غرس ٍ وليته ما غرسه
الشعر .. نبض قلوبنا .. وإحساس نرمي به بعيد = هذا مكانه فالصدر و إن شئت هذا مجلسه
الشعر..شي ننزفه مابين شريان .. و .. وريد = أحيان ننزفه بتعب ..! وأحيان نقدر نحبسه
(ياحضرة الشعر النقي ) , يالحرف , ياحلو النشيد = ياشعر ياللي ترسمه, (يامبدعه ) , ( يامهندسه ) ..
الشعر .. هذا موطنه .. / وقته ../ ولا تصبح بليد =لو بالشعر عز أمتك ../ والكفر .. لازم نخرسه
الأمه بوضع ٍحرج .. : والضيق بالأمه شديد = وجراحنا / (متكدسه )... (متكدسه) ... (متكدسه)
الفقر .. والغرب الغبي.. و الظلم .. و أوباش وعبيد =و اعراضنا و أوطاننا .. والحرب قد دق جرسه
(الجنز ) , و ( الموضه ) ..هنا وشباب مايبغون قيد = وبنات ضاعوا للأسف ../ وأيضاً بنات معنّسه
يالله .. ياربي أبي .. ( بأس ) مع العزه شديد = وأشره على كلمة ( نِعمْ ) ومحدٍ .. يجيني يبخسه ..
ويالله ..ترحم والدي .. وعساه بالجنه رغيد = تفتح له أبواب الجنان .. ومن عذابك ..تحرسه
ويالله ..ترحم عزنا .. وترحم ( طلال بن الرشيد ) = أنا اشهد إنه شمري ../ شاعر وشعره .. (يفرسه ) ..
وياحضرة الشعر ( الأبي ) ( الشامخ ) ( الصعب ) (العنيد ) = وش خانتك لو ما تهز قلوب ../ وتصبح مدرسه ..!![/poem]
رد مع اقتباس
المفضلات