السلام عليكم ورحمه الله وبركاته
الموضوع تراه يخص ظاهرة كبيره مررررة .. ويمكن تكبر زياده وتصير حديث المجتمع
عاد انا كل شي ولا حديث المجتمع .. ماحب القيل والقال ..
والظاهره هي
إطاله الشعــــــر
للجنــس اللي كان خشن ويمكن نص خشن على شوي ناعم على كريم كرامل بالفستق ..
نتطرق للموضوع عن هذي الظاهره التي تزايدت بشكل بشع والمثل يقول اذا كثرت دبرت ..
صحيح كان الرسول صلى الله عليه وسلم شعره طويل
لكن الحين الشباب هل هدفهم الاقتداء بالرسول الكريم ؟؟
وينهم عن اللحى ؟؟ ليه ما يقتدون به فيها ؟؟
حتى اعرف هالشي طلبت من اخوي الصغير . مهوب صغير مرة عمره 16 سنه
يسال هالنمونه من الشباب عن سبب تطويل شعرهم
وكانت اجاباتهم كالتالي
واحد من الشباب يقول / انا يوم طولت شعري حسيت بالنشوة .. حسيت
اني الفت النظر وكشخه .. صح فيه غيـورين مني يقولون يالزيدي هههههههههه .. بس ماهموني .
واحلى شي لما اللبس الطاقيه والشعر طالع كنه نسافه ددسن والله فله خخخخخخخخخخخ
وواحد يقول عن اطاله الشعر : استمتع بطول شعري ..
حيث انني دائماً أداعب خصلات شعري عندما تدغدغ رقبتي << جعلي ادغدغ ظهرك بالعقال < يقولها اخوي خخخخخخخخخخخ
ويقول بصراحه انا طولت شعري بعد ما استخدمت الزيوت وزرت
المنتديات النسائيه .. وبصراحه انا شلتي اللي مايطول شعره يعتبر غريب
~*( بالله ذا كلام ياعالم )*~
نجي لولد الحمايل وش يقول ..
يقول انا اهتم بشعري مرة وصرت يوميا استشورة
ولدرجه شف شف ناظر ( شوي الا طلع لاخوي جديله لونها حمراء وصفراء وبرتقاليه ) !!!!!!!
يقول صابغهن واسمها ميش .
قال انصحك لا تستخدم الفرشه العاديه لما تكد شعرك .. استخدم فرشة تكون من الشعر الخشن
او الخشب الاصلي او البلاستيك القوي .. وانصحك لا تستخدم مجفف الشعر اكثر من دقيقه على مكان
معين عشان يكون ناعم ..( قاعد ينصح واخوي متلطم حتى ما يشوف شعره محلوق على الصفر خخخخخخ
بالنهايه:-
اذا انتم شايفين كلامي صح !! نبي تبرير مفصـل لوسمحتوا
هل ترى ان إطاله الشعـر يعتبـر حريـة شخصيـه !!
وماهي نظرة الفتيات عندما ينظرن للرجـل بهذا المنظــر !!
لا تقولون وين رايك انت ؟؟؟؟؟
ابديكم على نفسي وان شالله راح اذكر رايي بعد ما شوف اراءكم
عطونا من الخير ولا تحرموناااااااااا
رد مع اقتباس
المشاركة الأصلية كتبت بواسطة العملاق
المفضلات