حينما نسمو إلى مشاعر الحب بكل سعادهـ ..
ونرسم البسمه على شفاهنا ..
ونغرد مع طيور العشق كل صباح ..
ونتبادل الكلمات التي تُنعش الروح ..
فجأه ..!!
تحيط بنا الأقدار من كل الجهات
وتعلن الوداع .. الوداع ..
ونرى سهام الغدر قد دكت حصوننا ..
فلانستطيع أن نجادل الزمن ..
سوى ان نعاتبه بصفحات الألم ..
وقد أعتلتنا الدموع ..
.
.
.
دنيا رديه ماتجينا على الكيف
,,,,,,,,,,اما نجيها طوع ..، والا مذله
بيبانها صكت بوجه المشاريف
,,,,,,,,,,والا الردي تلقاه بعز الاظله
لايازماني مابقى لي تصاريف
,,,,,,,,,,اقدار وقتي تتعب اللي يشله
كن الليالي حوطتني تخاريف
,,,,,,,,,,اسمر مع القمرا ودمعي اهله
والنفس عافت زادها..ليه ماتعيف؟
,,,,,,,,,,وسهم العذاب اليوم قلبي محله
على فراق اللي اشوفه كما الطيف
,,,,,,,,,,يضوي على دنياي ويزيل عله
واليوم اشوفه في خيالي تواصيف
,,,,,,,,,,ارسمه صوره وارسم الياس ظله
بيني وبينه القدر "ضربة السيف"
,,,,,,,,,,مني خذاه وصرت أكلم محله
حكم القدر لو يرحم اللي مواليف
,,,,,,,,,كان اجتمع قيس ٍ وليلى اخله
.
.
سلطان الشمري
رد مع اقتباس
المشاركة الأصلية كتبت بواسطة عبدالله الجعيثن
المفضلات