السلام عليكم
بالخير كلكم وكلكن
ياعيال
وين الفزعه ؟؟
وين النشاما والنشامات ؟؟
وين سنايدي وسنايداتي ؟؟
تكفووووون ياعيال لاتخلوني
تكفا .. ترا تكفا تهز الرجاجيل ** ولولا ظروف الوقت ماقلت تكفا
يالربع
الموضوع جد
وأخوكم الأصيل مايبي توقيع ولا ثوب ولاهم يحزنون
هالمرّه الموضوع يبي فزعة كل واحد يعز الأصيل
وفعلاً أنا محتاج لكم بموضوع جد جد
ولا عمري طلبتكم .. واليوم تبين المعادن
مع أني أعرف معادنكم.. ذهب صافي
ياشباب .. أنا صار لي كم يوم ..
لا ليلي ليل .. ولا نهاري نهار
لا آكل مثل الناس ولا أشرب مثل الناس ولا أنام مثل الناس
واليوم يومكم
وعز الله .. إذا مالقيت من إخواني أهل المضايف فزعه ..
فـــ على الدنيا السلام
وأنا مستعد ..
اللي يبي رقم جوالي .. أعطيه
واللي يبي عنوان بيتي .. أعطيه
بس .. أبي فزعة الأجواد
وإذا تخبرون المشرف العام .. تراهو مايقصر
ونا أبي أعلمكم بالسبب اللي أجبرن على الابتعاد عن المضايف هاليومين
(( مع إن ماأحد فقدن ولا أحد نشد عني ))
ماني مطوّل عليكم
الموضوع ///
مع أن الموضوع صعب
ولاني متعود إني أطلب الناس
لكن .. الشكوا لله
أنا ضرسي ذبحن من الوجع
ولازم أشيله ..
عجزت لاآكل ولا أشرب ولا أنام
وأنا أخاف من طبيب السنون مثل خوفي من الكوليرا
عاد
أبي (( تشجيعكم ))) لي علشان أروح للطبيب
والله ياشباب .. إني آصل الطبيب .. وعقب ما آخذ رقم للدخول
أشعر برهبه وخوف .. وأرجع إلى البيت
يالربع .. أقوم أتراعد عندوه
معوه سكاتسين وسكاريب وزراديه وبلاوي
ملعون أبو الجدف أفلاطون يوم يقول :
كل هم ولا هم العرس ** وكل وجع ولا وجع الضرس
وهو لك يزعل سقراط .. وهو يرد عليه ..
كل هم ولا هم الدين ** وكل وجع ولا وجع العين
ياليل الليل
ونا يارفيدزكم ذبحن الجوع .........
ماأقدر آكل ألا شوربة عدس ومعكرومه
الضرس الأيسر محفور حفر
والأيمن مسوس ويوجعن بالحيل
ولا لي مزاج أدخل المضايف أو غيره من أسبوعين
المهم .. أبيكم تقوون عزيمتي وترفعون همتي
وتشجعوني
واللي ظلمتوه بشي .. يسامحن
واللي يطلبن دين .. خلوه يكلم إخواني .. أخاف أموت من الضرس
وترا ماراح تحصلون رد أو مشاركات مني لمدة يومين
رد مع اقتباس
المفضلات